2 ოქტომბერს ამომრჩეველი 64 ქალაქის მერს და ამდენივე საკრებულოს ჯამში 2 068 წევრს აირჩევს როგორც მაჟორიტარული, ისე პროპორციული წესით. პარტიების წარდგენილ კანდიდატებს შორის კვლავ თვალშისაცემია ქალი პოლიტიკოსების სიმწირე.

ყველაზე დიდი არჩევანი და კონკურენცია თბილისშია. მერობის მსურველთა სია ასე დედაქალაქში ასე გამოიყურება:

ქართული ოცნება: კახა კალაძე

ენმ, ევროპული საქართველო, დროა, გირჩი - მეტი თავისუფლება: ნიკა მელია

საქართველოსთვის: გიორგი გახარია

ლელო: ანა ბიბილაშვილი

ხალხისთვის: ანა დოლიძე

პატრიოტთა ალიანსი: გიორგი ლომია

ლეიბორისტული პარტია: მიხეილ ქუმსიშვილი

მესამე ძალა: თამარ კეკენაძე

ცესკოში კენჭისყრა ჩატარდა და პარტიებს თვითმართველობის არჩევნებისთვის ნომრები მიენიჭათ. როგორც ცესკოს თავმჯდომარემ განმარტა, იმ პარტიებს, რომლებმაც კანონით დადგენილ ვადაში მიმართეს უწყებას, იგივე ნომრები შეუნარჩუნდათ, რაც წინა არჩევნებზე ჰქონდათ.

ახალი ნომრები კი ასე გადანაწილდა:

• მესამე ძალა — 1;
• ევროპული საქართველო — მოძრაობა თავისუფლებისთვის — 2;
• ნინო ბურჯანაძე — ერთიანი საქართველო დემოკრატიული მოძრაობა — 3;
• მოძრაობა სახელმწიფო ხალხისთვის — 4;
• ერთიანი ნაციონალური მოძრაობა — 5;
• ევროპელი დემოკრატები — 6;
• ალეკო ელისაშვილი — მოქალაქეები — 7;
• დავით თარხან-მოურავი-ირმა ინაშვილი — საქართველოს პატრიოტთა ალიანსი — 10;
• ლელო — 9;
• შალვა ნათელაშვილი — საქართველოს ლეიბორისტული პარტია — 10;
• რესპუბლიკელები — 11
• კანონი და სამართალი — 12;
• საქართველო — 13;
• გოგი წულაია — ახალი ქრისტიან-დემოკრატები — 14;
• მამული — 15;
• მწვანე დედამიწა — 16;
• რეფორმერი — 17;
• ჯონდი ბაღათურია — ქართული დასი — 18;
• ევროპელი სოციალისტები — 19;
• გიორგი ლაღიძე — მომავალი საქართველო — 20;
• პროგრესი და თავისუფლება — 21;
• საქართველოს განვითარების პარტია — 22;
• ჩვენი გაერთიანებული საქართველო — 23;
• საქართველოს სოციალ-დემოკრატიული პარტია — 24;
• გახარია საქართველოსთვის — 25;
• თავისუფალი არჩევანი — ახალი ალტერნატივა — 26;
• თეთრები — 27;
• ეროვნულ-დემოკრატიული პარტია — ედპ —28;
• მამუკა ტუსკაძე სოციალური სამართლიანობისთვის — 29;
• მშრომელთა სოციალისტური პარტია — 30;
• ერი — 31;
• ელენე ხოშტარია — დროა — 32;
• ეკა ბესელია — სამართლიანობისთვის — 33;
• მემარცხენე ალიანსი — 34;
• დავით ჭიჭინაძე — ტრიბუნა — 35;
• გირჩი — 36;
• თავისუფალი საქართველო — ზაზა ხატიაშვილი, კახა კუკავა, გრიგოლ ჯოჯუა — 37;
• თამაზ მეჭიაური ერთიანი საქართველოსთვის — 38;
• თავისუფლება — ზვიად გამსახურდიას გზა — 39;
• სახე+ — 40;
• ქართული ოცნება დემოკრატიული საქართველო — 41;
• დემოკრატთა ალიანსი — 42;
• მესამე გზა — 43;
• სახალხო პარტია (ცესკოს თავმჯდომარის თქმით, ეს ნომერი პირობითია, რადგან პარტიის რეგისტრაციის საკითხი განხილვაშია) — 44;
• ზურაბ გირჩი ჯაფარიძე — გირჩი-მეტი თავისუფლება — 45;
• საქართველოს ევროატლანტიკური გზა — 46;
• თავისუფალი დემოკრატები — 47;
• ანა დოლიძე — ხალხისთვის — 48;
• რეფორმატორები — 49;
• გაჩეჩილაძე — მწვანეთა პარტია — 50.

რეგიონებში მმართველ პარტიას ძირითადად ოპოზიციის შეთანხმებული კანდიდატები უპირისპირდებიან. "პატარა პარტიების" უმეტესობას რეგიონებში მერობის კანდიდატები შეზღუდული რაოდენობით ჰყავს წარდგენილი.

ევროპულმა საქართველომ 11 მუნიციპალიტეტში წარადგინა მერობის კანდიდატი, რომელთაგან სხვა პარტიებთან შეთანხმებულია 2 [ხონის და თერჯოლის]. თავის მხრივ პარტია 16 საარჩევნო ოლქში მხარს უჭერს სხვა პარტიებთან შეთანხმებულ კანდიდატებს.
ერთიან ნაციონალურ მოძრაობას წარდგენილი ჰყავს კანდიდატი 54 ქალაქში. ამავე დროს პარტია მხარს უჭერს დამოუკიდებელ კანდიდატებს ლაგოდეხში, თერჯოლასა და ჭიათურაში და ასევე სხვა ოპოზიციური პარტიების კანდიდატებს ლანჩხუთსა და ხონში.
ლელოს ამ დროისთვის წარდგენილი ჰყავს თბილისის, საგარეჯოს და ახალციხის მერების კანდიდატები. ასევე საკრებულოს დეპუტატობის კანდიდატები თბილისში და პარტიული სია აჭარის მუნიციპალიტეტებში საკრებულოს დეპუტატებისთვის. ბათუმში სიის პირველი ნომერი ირაკლი კუპრაძეა, რომელიც 2020 წლის არჩევნებში მაჟორიტარ დეპუტატად იყრიდა კენჭს ამავე ქალაქში.
40-მდე ქალაქში წარადგინა მერობის კანდიდატი ყოფილმა პრემიერ-მინისტრმა, პარტია “საქართველოსთვის” ლიდერმა, გიორგი გახარიამ, რომელიც კენჭს თავადაც იყრის თბილისის მერობის კანიდიდატად.
მმართველი პარტიის მიერ წარდგენილი მერობის კანდიდატების უმრავლესობა მოქმედი საჯარო მოსამსახურეა. ზოგი მშობლიურ მუნიციპალიტეტში მეორედ ან სულაც მესამე ვადით იყრის კენჭს. კანდიდატებს შორის მრავლად არიან სამართალდამცავი უწყებების ყოფილი თანამშრომლები. 2 ოქტომბერს დანიშნული არჩევნებისთვის კანდიდატის შეცვლა მოუწია “ქართულ ოცნებას” ყაზბეგის მუნიციპალიტეტში - შალვა ელოშვილი, რომელიც პირველად დასახელდა მერობის კანდიდატად, ბაკურ ავსაჯანიშვილმა მას შემდეგ ჩაანაცვლა, რაც ელოშვილმა არჩევნებში მონაწილეობაზე უარი თქვა.

ავტორი: ექსპრესნიუსი,

სოციალური ქსელები

„არსენალი“ 22 წლის შემდეგ პირველად გახდა ინგლისის ჩემპიონი

ევროპული დაზვერვა: ჩინეთმა რუსი ჯარისკაცების საიდუმლოდ მომზადება დაიწყო უკრაინაში ომისთვის

უკრაინამ ფრონტის ხაზზე საჰაერო თავდაცვის განადგურებით გზა გაუხსნა თავის დრონებს რუსეთზე თავდასხმისთვის

საპატრიარქო - მუშაობის პროცესი მიზნად ისახავს, დიუშენის დაავადების მქონე ბავშვებისა და მათი ოჯახების საჭიროებების უფრო სიღრმისეულ შესწავლას