ძალიან გაოგნებული და გაკვირვებული ვარ, როგორ შეიძლება, ჯერ კიდევ 20 თუ 25% მხარს უჭერდეს იმ პოლიტიკურ ძალას, რომელმაც ჩვენი ქვეყნის ტერიტორიები დაგვაკარგინა, - ამის შესახებ საქართველოს პრემიერ-მინისტრმა ირაკლი ღარიბაშვილმა „ქართული ოცნების" თიანეთის მერობის კანდიდატის, ლევან წიკლაურის წარდგენისას განაცხადა.

მთავრობის მეთაურის შეფასებით, საჭიროა მობილიზაცია და სიფხიზლე, მმართველი გუნდი არავის მისცემს პროვოკაციის მოწყობის უფლებას.

„ეს ხომ ყველაზე დიდი უბედურება და განსაცდელია, რაც შეიძლება მმართველს დაემართოს, რომ მისი მმართველობის დროს ქვეყანამ დაკარგოს ჩვენი წინაპრების სისხლით მოტანილი ძირძველი ტერიტორიები, კოდორის ხეობა, ასობით სოფელი, ათასობით ადამიანი დევნილად იქცა, სააკაშვილი პირდაპირ გამოვიდა და თქვა, რომ ეს ქვების გროვა არისო, ეს პირდაპირ მისი სიტყვებია, როცა ჟურნალისტმა კითხვა დაუსვა ცხინვალისა და მიმდებარე სოფლების დაკარგვაზე, ქვების გროვა არისო, რა ტერიტორია დავკარგეთო. ასეთ ადამიანს, მოღალატე კაცს რომ ჯერ კიდევ ხმას აძლევს ვინმე, რა თქმა უნდა, ის არის ამ განსაცდელის და უბედურების თანამონაწილე. ამიტომ, სიფხიზლეა საჭირო. ჩვენ არავის მივცემთ რაიმე პროვოკაციის გაკეთების უფლებას. რამდენიმე ბრიყვმა სცადა და მიიღეს პასუხი და ყველა მიიღებს საკადრის პასუხს. კანონზე მაღლა არავინ დგას ამ ქვეყანაში, კანონი მეფობს დღეს საქართველოში და ასე იქნება მუდამ, ვიდრე ჩვენი პარტია იქნება სათავეში. ამიტომაც, ჩვენ მშვიდად, მტკიცედ უნდა გავაგრძელოთ ჩვენი ქვეყნის მართვა. ამ არჩევნებს მშვიდობიანად ჩავატარებთ, ეს იქნება მშვიდობიანი, დემოკრატიული, გამჭვირვალე არჩევნები, ღირსეულად მოვიგებთ ყველა ქალაქში, ყველა მუნიციპალიტეტში და გავაგრძელებთ ჩვენი ძვირფასი ხალხის მსახურებას", - განაცხადა ირაკლი ღარიბაშვილმა.

ავტორი: NS (სტატია დაფინანსებულია),

სოციალური ქსელები

„არსენალი“ 22 წლის შემდეგ პირველად გახდა ინგლისის ჩემპიონი

ევროპული დაზვერვა: ჩინეთმა რუსი ჯარისკაცების საიდუმლოდ მომზადება დაიწყო უკრაინაში ომისთვის

უკრაინამ ფრონტის ხაზზე საჰაერო თავდაცვის განადგურებით გზა გაუხსნა თავის დრონებს რუსეთზე თავდასხმისთვის

საპატრიარქო - მუშაობის პროცესი მიზნად ისახავს, დიუშენის დაავადების მქონე ბავშვებისა და მათი ოჯახების საჭიროებების უფრო სიღრმისეულ შესწავლას