მმართველი პარტიის თბილისის საკრებულოს მთაწმინდის რაიონის მაჟორიტარი დეპუტატობის კანდიდატმა ზურაბ აბაშიძემ ოქროყანისა და კოჯრის დევნილთა დასახლებების  მოსახლეობასთან  შეხვედრები გამართა, სადაც პირადად მოისმინა ადგილობრივი მცხოვრებლების პრობლემები და შეხვედრის მონაწილეებთან ერთად მათი გადაჭრის გზებზე იმსჯელა.-ინფორმაციას "ქართული ოცნების" პრესსამსახური ავრცელებს.

მათი თქმით, დევნილთა დასახლებაში გამართულ შეხვედრებს, მთაწმინდის რაიონის გამგებელი დავით კირკიტაძე და საკრებულოს თავმჯდომარის პირველი მოადგილე გიგა ახვლედიანი ესწრებოდნენ.

 „გავიცანი ოქროყანისა და კოჯრის დევნილთა დასახლებების  მცხოვრებლები და მათთან ერთად განვიხილე ის გამოწვევები, რომელთა დაძლევა მოსახლეობისთვის ამ ეტაპზე ყველაზე პრიორიტეტულია. დღევანდელი შეხვედრის მონაწილეები არიან ადამიანები, რომლებმაც ყველაზე კარგად იციან მშვიდობისა და თავისუფლების ფასი და ჩემთვის განსაკუთრებული მნიშვნელობა აქვს მათ თანადგომასა და მხარდაჭერას. სწორედ ერთობლივი ძალებით დარწმუნებული ვარ, არაერთ მნიშვნელოვან და სასარგებლო პროექტს განვახორციელებთ.

ერთ-ერთი მთავარი საკითხი, რომელიც შეხვედრაზე განვიხილეთ, არის წყალმომარაგების გაუმჯობესება და საგზაო ინფრასტრუქტურის მოწყობა და მე პირადად, მიღებული მანდატის ფარგლებში, ვიზრუნებ, რომ ამ მიმართულებით დაიგეგმოს კონკრეტული ნაბიჯები."-განაცხადა ზურაბ აბაშიძემ

"როგორც ზურაბ აბაშიძემ მოსახლეობასთან საუბრისას აღნიშნა, „ქართული ოცნების" გუნდის მთავარ პრიორიტეტს მოსახლეობის კეთილდღეობის მხარდაჭერა და მათი საცხოვრებელი პირობების გაუმჯობესება წარმოადგენს, რისთვისაც მნიშვნელოვანია მოსახლეობის საჭიროებების იდენტიფიცირება და მათზე დროული რეაგირება. სწორედ ამ მიზნით, კოვიდრეგულაციების ზედმიწევნით დაცვით, მოსახლეობასთან შეხვედრები მომავალშიც რეგულარულად გაგრძელდება."-ნათქვამია განცხადებაში.

ავტორი: NS (სტატია დაფინანსებულია),

სოციალური ქსელები

სუმზე თავდასხმის დროს ხუთსართულიანი შენობა ჩამოინგრა, 8 ადამიანი დაიჭრა

პატიმრებისა და პრობაციონერების ჯამური მაჩვენებლით 2025 წელს საქართველო ევროპაში პირველ ადგილს იკავებდა - რეჟიმის პირობებში 2026 წელს მონაცემები დრამატულად იზრდება

კრემლმა სომხეთის არჩევნების წინ ფაშინიანის წინააღმდეგ საინფორმაციო კამპანია დაიწყო - The Insider

პენტაგონი ირანში სახმელეთო შეჭრის ალბათობას უშვებს