ჩვენ პროგრესი გვქონდა არაერთი მიმართულებით - იქნებოდა ეს ტურიზმის მიმართულება, ინფრასტრუქტურა, რეგიონების განვითარება, სოფლის მეურნეობა, ჯანდაცვა, განათლება, მაგრამ ჩვენ ვიცით, რომ ეს არ არის საკმარისი. ჩვენს მოქალაქეებს სჭირდებათ, რა თქმა უნდა, მშვიდობა, სტაბილურობა და მეორეს მხრივ, ეკონომიკური განვითარება, -  ამის შესახებ საქართველოს პრემიერ-მინისტრმა ირაკლი ღარიბაშვილმა, „ქართული ოცნების" ბათუმის მერობის კანდიდატის არჩილ ჩიქოვანის წარდგენის ღონისძიებაზე, სიტყვით გამოსვლისას განაცხადა.

ირაკლი ღარიბაშვილის თქმით, სწორედ ეკონომიკური განვითარება იქნება მთავრობის ერთ-ერთი ყველაზე მთავარი პრიორიტეტი მომდევნო წლების განმავლობაში.

„ჩემი დავალებით, მთავრობამ შეიმუშავა გრძელვადიანი განვითარების ხედვა. ჩვენ მკაფიოდ ვართ ჩამოყალიბებული, ვიცით რა უნდა გავაკეთოთ თითოეული რეგიონისა და ქალაქის მიმართულებით. ვიცით, როგორ ავითვისოთ ბოლომდე ყველა ის პოტენციალი და რესურსი, რომელიც ჩვენს ქვეყანას გააჩნია და ეს რესურსი და პოტენცია, მერწმუნეთ, არის უზარმაზარი. ამისთვის, რა თქმა უნდა, ჩვენ გვჭირდება არჩევნებში ძლიერად გამარჯვება, იმისთვის, რომ შემდგომი მინიმუმ 3 წელიწადი, 2024 წლის არჩევნებამდე, ქვეყანაში იყოს მშვიდობა, სტაბილურობა და განვითარება.

მომდევნო წლების განმავლობაში, წლების მიხედვით გვაქვს გაწერილი, თუ რა უნდა გაკეთდეს, კერძოდ, რეგიონების განვითარების მიმართულებით. ჩენ შევიტანთ განვითარებას ყველა რეგიონში, ქალაქსა და მუნიციპალიტეტში. მხოლოდ ინფრასტრუქტურის მიმართულებით დაიხარჯება 32 მლრდ. ლარი. ჩვენ რეალურად, რამდენიმე წელიწადში, სულ სხვანაირ ქვეყანას მივიღებთ. ვიცით, როგორ განვავითაროთ სოფლის მეურნეობა, ადგილობრივი წარმოება, კულტურა, სპორტი, განათლება. გვაქვს გეგმები, რომელიც არის რეალისტური და რომელიც იქნება ხელშესახები ჩვენი მოსახლეობისთვის.

ქალაქ ბათუმში, ბოლო წლების განმავლობაში, არაერთი პროექტი განხორციელდა, როგორც კერძო ინვესტორების მიერ, ასევე  ადგილობრივი ხელისუფლების მიერ. შედეგად ჩვენ გვაქვს უფრო მეტად გალამაზებული, დამშვენებული ბათუმი, ვიდრე იყო მანამდე. რა თქმა უნდა, ჩვენ გვჭირდება კიდევ უფრო მეტის გაკეთება და კიდევ უფრო მეტი ზრუნვა ჩვენს მოსახლეობაზე.

ჩვენ დავიწყეთ ახალი პროექტი, როგორიც არის ურბანული განახლების პროექტი, რომელიც გულისხმობს ყველა ქალაქსა და ყველა მუნიციპალიტეტში ურბანული პროექტების განხორციელებას, რაც გულისხმობს ასევე ევროპული ტიპის ცენტრების მოწყობას, მეტ რეკრეაციულ სივრცეს, მეტ პარკებს, მეტ დასასვენებელ ადგილებს ჩვენი მოსახლეობისთვის და არა მხოლოდ, ასევე ჩვენი ტურისტებისთვის. ყველა ქალაქში, ყველა მუნიციპალიტეტში, ჩვენ დავამუშავებთ და შევქმნით ახალი ტურისტული მიზიდულობის ცენტრებს და კერებს" , -  აღნიშნა პრემიერ-მინისტრმა.

ავტორი: NS (სტატია დაფინანსებულია),

სოციალური ქსელები

2026 წლის I კვარტალში სამუშაო ძალის რაოდენობა შემცირდა, ასევე შემცირდა დასაქმების დონეც

ევროკავშირი კრემლთან მოლაპარაკებებში შუამავლად ევროპის ცენტრალური ბანკის ყოფილ პრეზიდენტს, მარიო დრაგის განიხილავს

ორ სამოქალაქო აქტივისტს ტროტუარის გადაკეტვისთვის დაპატიმრება მიუსაჯეს

BOG-ის კამპანიებმა საერთაშორისო კრეატიულ ფესტივალ Baku Flames 2026-ზე ორი ჯილდო მოიპოვა