ირაკლი ღარიბაშვილი - ჩვენი ამოცანა უნდა იყოს კოვიდუსაფრთხო არჩევნების ჩატარება

2021-08-09 11:18:41, 1136 ნახვა

კომენტარი

ჩვენი ამოცანა უნდა იყოს კოვიდუსაფრთხო არჩევნების ჩატარება, - ამის შესახებ პრემიერ-მინისტრმა ირაკლი ღარიბაშვილმა მთავრობის სხდომაზე განაცხადა.

პრემიერმა მოუწოდა პოლიტიკური პარტიების კანდიდატებს აქტიურად ჩაერთონ ვაქცინაციის პროგრამაში და მოსახლეობასთან შეკრებებზე ატარონ პირბადე.

„მინდა აღვნიშნო, რომ ვუახლოვდებით არჩევნებს, შევდივართ აქტიურ ფაზაში. გუშინ გავაჟღერე ინიციატივა, რომელიც შეეხება ცესკო-ს თანამშრომლების ვაქცინაციას. ჩვენი ამოცანა უნდა იყოს კოვიდუსაფრთხო არჩევნების ჩატარება. შეგვიძლია განსაკუთრებული, მაღალი სტანდარტებით ჩავატაროთ ერთის მხრივ სამართლიანი და მეორეს მხრივ, კოვიდუსაფრთხო არჩევნები. ჩემი პარტიისა და სხვა პარტიების კანდიდატებს მინდა ვთხოვო და მოვუწოდო, ჩაერთონ ვაქცინაციაში. ახლა იწყება შეხვედრები მოსახლეობასთან, ერთის მხრივ, ჩვენს კანდიდატებს მინდა ვთხოვო, ყველგან ატარონ პირბადე, როცა ექნებათ შეკრებები და ასევე ვთხოვო ამომრჩეველსაც, რომ ატარონ აღნიშნულ შეკრებებზე პირბადე“, - აღნიშნა პრემიერმა

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან