2021-07-30 17:27:17, 636 ნახვა

---

კობახიძე გახარიასთან კოალიციაზე - არსებობს მაგალითები, მტერთანაც რიგდებიან, მოღალატესთან - გამორიცხულია

არსებობს პოლიტიკაში მაგალითები, მტერთანაც გარიგდებიან ხოლმე, მოღალატესთან, გამორიცხულია, - ასე უპასუხა „ქართული ოცნების“ თავმჯდომარე ირაკლი კობახიძემ ჟურნალისტის შეკითხვა, შეიძლება თუ არა მმართველმა გუნდმა ექს-პრემიერ გახარიასთან კოალიცია შექმნას.

კობახიძის თქმით, როდესაც ადამიანი ღალატს ჩადის, მასთან გარიგებაში შესვლა, გამორიცხულია.

„გახარიაზე გეტყვით პირდაპირ, არსებობს პოლიტიკაში მაგალითები, როდესაც მტერთანაც გარიგდებიან ხოლმე, მაგრამ არავინ არ რიგდება მოღალატესთან, აქედან გამომდინარე, ეს გამორიცხულია. პოლიტიკაში შეიძლება თუ ქვეყანას სჭირდება მტერსაც გაურიგდე, მაგრამ მოღალატეს ვერა,

დღეს მე მგონი მთელი საზოგადოება დარწმუნდა, თუ რა არის ჩვენი დამოკიდებულება. კიდევ ერთხელ ცალსახად შეგვიძლია ვთქვათ, რომ როდესაც ადამიანი, კაცი, ღალატს ჩადის, მასთან გარიგებაში შესვლა გამორიცხულია“, - განაცხადა ირაკლი კობახიძემ.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი