რეგიონში "COVID-19"-ის საწინააღმდეგო მასობრივი ვაქცინაციის პროცესი კვლავ აქტიურად მიმდინარეობს.

,,სინოფარმის“ ვაქცინით, დღეს ბათუმის რესპუბლიკურ საავადმყოფოში, ხელვაჩაურის მუნიციპალიტეტის, სოფელ სალიბაურის საჯარო სკოლის პედაგოგები აიცრნენ. 

პროცესს ადგილზე აჭარის ა რ ჯანმრთელობისა და სოციალური დაცვის მინისტრის მოადგილე, მარი ზანაქიძე, აჭარის განათლების, კულტურისა და სპორტის მინისტრთან, მაია ხაჯიშვილთან ერთად დაესწრო.

„აღსანიშნავი ფაქტია, რომ ვაქცინაციის მსურველთა რაოდენობა რეგიონში ბოლო დღეების განმავლობაში საკმაოდ მზარდია და  საშუალოდ 1000 ზე მეტი მოქალაქე იცრება კოვიდსაწინააღმდეგო სხვადასხვა ვაქცინით. განსაკუთრებული  მადლობა პედაგოგებს ასეთი აქტიურობისა და მაღალი სამოქალაქო პასუხიმგებლობისთვის.  ეს პროცესი არა მარტო ბათუმში, არამედ სხვა მუნიციპალიტეტებსა და მთიან აჭარაშიც აქტიურად მიმდინარეობს. მინდა კიდევ ერთხელ მოვუწოდო ყველას აცრისკენ, ეს ერთადერთი გზაა ვირუსის დასამარცხებლად“, - აღნიშნა მარი ზანაქიძემ.

დღევანდელი მონაცემებით, რეგიონში ამ ეტაპზე სულ 38 562 მოქალაქეა ვაქცინირებული. მათ შორის: ფაიზერი-4536; ასტრაზენეკა-6328; სინოვაკი-12648; სინოფარმი-15050;

ავტორი: NS (სტატია დაფინანსებულია),

სოციალური ქსელები

ტრამპის სპეციალური წარმომადგენელი მოლაპარაკებებისთვის რუსეთში გაემგზავრა

მთავრობის ადმინისტრაცია ილია მეორის დაკრძალვის ხარჯებზე - სარეზერვო ფონდიდან 3 მილიონი გამოიყო, შემდეგ კი ეს თანხა 722 645 ლარამდე დაკორექტირდა და 2 277 355 ლარი ბიუჯეტში დაბრუნდა

რუსეთმა სამხედრო ბიუჯეტის დასაფინანსებლად 1998 წლის შემდეგ ყველაზე დიდი ოქროს მარაგის გაყიდვა განახორციელა.

საფრანგეთში არეულობის შედეგად მიყენებულმა ზარალმა 1 მილიარდ ევროს გადააჭარბა