ირაკლი ღარიბაშვილის პოლიტიკური პასუხისმგებლობის საკითხი არ განიხილება, - ამის შესახებ ფინანსთა მინისტრმა ლაშა ხუციშვილმა მთავრობის სხდომის დასრულების შემდეგ, ბრიფინგზე განაცხადა.

მისივე თქმით, შესაბამისი პასუხისმგებლობის საკითხი დადგება იმ პირების მიმართ, ვინც 5-6 ივლისს დანაშაული ჩაიდინეს.

„ირაკლი ღარიბაშვილის პოლიტიკური პასუხისმგებლობის საკითხი არ განიხილება, დავამთავრეთ ალბათ ეს თემა. პასუხისმგებლობის საკითხი უშუალოდ იმ პირებთან მიმართებით, ვინც ჩაიდინა ძალადობა, მიმდინარეობს გამოძიება. დაკავებულია 21 პირი, რომელიც სისხლის სამართლის პასუხისგებაშია მიცემული და ამ მიმართულებით გრძელდება გამოძიება. შესაბამისად, ყველა პირის მიმართ, ვინც ჩაიდინა დანაშაული, შესაბამისი პასუხისმგებლობის საკითხი დადგება“, - განაცხადა ფინანსთა მინისტრმა.

5 ივლისს, 18:00 საათზე, „თბილისი პრაიდის“ ფარგლებში „ღირსების მარში“ უნდა გამართულიყო, თუმცა რუსთაველის გამზირზე დილიდან ჰომოფობური, ძალადობრივი ჯგუფები შეიკრიბდნენ და ჟურნალისტებს სასტიკად გაუსწორდნენ. თავდასხმის შედეგად მედიის 53 წარმომადგენელი დაშავდა, მათ შორის „ტვ პირველის“ ოპერატორი, ლექსო ლაშქარავა, რომელიც 11 ივლისს გარდაიცვალა.

ჟურნალისტებზე ძალადობის პარალელურად, პრემიერ-მინისტრმა ირაკლი ღარიბაშვილმა ვითარების შესაძლო გართულებაზე პასუხისმგებლობა არა ძალადობრივი ჯგუფის წევრებს, არამედ „ღირსების მარშის“ ორგანიზატორებს დააკისრა და მოუწოდა მათ, რუსთაველის გამზირზე მსვლელობა არ ჩაეტარებინათ. მანვე აღნიშნა, რომ მომხდარის მიღმა ოპოზიცია იდგა.

მომხდარის გამო, მედიის წარმომადგენლებმა და სამოქალაქო აქტივისტებმა საპროტესტო აქციების გამართვა დაიწყეს. მთავარი მოთხოვნა პრემიერ-მინისტრ ირაკლი ღარიბაშვილის გადადგომაა, თუმცა მთავრობის მეთაური აცხადებს, რომ წასვლას არ აპირებს.

ავტორი: ექსპრესნიუსი,

სოციალური ქსელები

უკრაინამ განაცხადა, რომ ზელენსკი მზადაა პუტინს ანტარქტიდაში შეხვდეს, მაგრამ არა მოსკოვში

კირცხალია ივანიშვილის წარმომადგენელთა სხდომაზე - განვიხილეთ ჩინეთთან ურთიერთობა და სხვა პოლიტიკური საკითხები

ღარიბაშვილი სხდომების დახურვაზე -ჩრდილოვანი მართლმსაჯულების მკაფიო მაგალითია

ბრალი წარედგინა მასწავლებელს, რომელიც 30 წლის წინ, 7 წლის დაზარალებულზე სექსუალურად ძალადობდა - საფარი