პარტია „ქართული ოცნების“ თავმჯდომარის, ირაკლი კობახიძის განცხადებით, ოპოზიცია თავს არიდებს საგამოძიებო კომისიაში ჩართულობას.

როგორც მან აღნიშნა, მმართველი გუნდის ოპონენტები დარწმუნდნენ, რომ არჩევნები არ გაყალბებულა.

„ჩართულობა მნიშვნელოვანია, რადგან ეს არის არჩევნების შედეგების გადამოწმების კიდევ ერთი ბერკეტი, თან ძალიან ქმედითი. ამ ბერკეტს რომ არიდებს თავს ოპოზიცია, ეს მეტყველებს კიდევ ერთხელ იმაზე, რომ ისინი თავადაც დარწმუნდნენ საკუთარი ბრალდებების სიმცდარეში. ისინი მუდმივად ამტკიცებდნენ, რომ არჩევნები იყო გაყალბებული, თუმცა თანდათანობით თავადვე დარწმუნდნენ იმაში, რომ არჩევნები არ იყო გაყალბებული.

აქედან გამომდინარე, თავის არიდება ხდება არჩევნების გადამოწმებასთან დაკავშირებული ნებისმიერი შეთავაზებისთვის. ეს არის საერთო სურათი, თუმცა ჩვენთვის მაინც მნიშვნელოვანია, რომ ყველა საკითხს ჩავეძიოთ, რაც უკავშირდებოდა თუნდაც ბრალდებებს და ამისათვის მუშაობს საგამოძიებო კომისია“, - განაცხადა ირაკლი კობახიძემ.  

ავტორი: ექსპრესნიუსი,

სოციალური ქსელები

უკრაინამ განაცხადა, რომ ზელენსკი მზადაა პუტინს ანტარქტიდაში შეხვდეს, მაგრამ არა მოსკოვში

კირცხალია ივანიშვილის წარმომადგენელთა სხდომაზე - განვიხილეთ ჩინეთთან ურთიერთობა და სხვა პოლიტიკური საკითხები

ღარიბაშვილი სხდომების დახურვაზე -ჩრდილოვანი მართლმსაჯულების მკაფიო მაგალითია

ბრალი წარედგინა მასწავლებელს, რომელიც 30 წლის წინ, 7 წლის დაზარალებულზე სექსუალურად ძალადობდა - საფარი