„ვასაძისნაირი ფიგურების გააქტიურება კიდევ ერთხელ გვახსენებს, რამხელა საფრთხეს უქმნის ქვეყნის თავისუფლებას ივანიშვილის რეჟიმი“, - ამის შესახებ „ევროპული საქართველოს“ ლიდერმა გიგა ბოკერიამ ტელეკომპანია „პირველის“ ეთერში განაცხადა.

მან ასევე აღნიშნა, რომ ვასაძისნაირებმა წინა არჩევნებზეც იყარეს კენჭი.

„თუ იმას გულისხმობს, რომ ახლა კენჭს იყრის, მისნაირებმა წინა არჩევნებზეც იყარეს კენჭი.

ეს არის ქართული ოცნების ქოლგის ქვეშ არსებული ჯგუფები, იდეოლოგიურად ვგულისხმობ, და ქართული ოცნება ყლაპავს ხოლმე ამ ხმებს.

როცა ვამბობთ, რომ ოცნება რუსულ საქმეს აკეთებს, უპირველეს ყოვლისა, ამას ვგულისხმობ - ამ განწყობებზე კაპიტალიზებას ივანიშვილი ცდილობდა სულ და ასეც აგრძელებს. ახლა რა ფორმით იქნება, ამა თუ იმ ლიდერის, ვასაძისნაირის, თუ კიდევ უფრო მსხვილი მოთამაშის მონაწილეობა არჩევნებში, ეს არ ვიცი.

მე არ მიმაჩნია ეს გარდამტეხ ფაქტორად, არც უარესობისკენ და, მითუმეტეს, არც უკეთესობისკენ, მაგრამ დიახ, ამ ტიპის ფიგურების გააქტიურება ფორმალურად მაინც კიდევ ერთხელ გვახსენებს, რამხელა საფრთხეს უქმნის ქვეყნის თავისუფლებას ივანიშვილის რეჟიმი“, - განაცხადა გიგა ბოკერიამ.

ავტორი: ექსპრესნიუსი,

სოციალური ქსელები

გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ