დემოკრატიის კვლევის ინსტიტუტი საქართველოს პარლამენტის მიერ ადმინისტრაციულ სამართალდარღვევათა კოდექსში განხორციელებულ ცვლილებებს ეხმაურება და აღნიშნავს, რომ ეს კანონპროექტი რეპრესიულია და ემსახურება შეკრებისა და გამოხატვის თავისუფლების შეზღუდვას.

DRI-ის განცხადებაში აღიშნულია, რომ კანონპროექტის დაჩქარებული ტემპით მიღებით მოხდა სამოქალაქო საზოგადოებისა და აკადემიური წრეების მოთხოვნების უგულებელყოფა.

„დემოკრატიის კვლევის ინსტიტუტი იზიარებს ქართული არასამთავრობო ორგანიზაციების და საქართველოში ამერიკის შეერთებული შტატების საელჩოს წუხილს საქართველოს ადმინისტრაციულ სამართალდარღვევათა კოდექსში განხორციელებულ ცვლილებებთან დაკავშირებით, და მიაჩნია, რომ ცვლილებები რეპრესიულია და ემსახურება ერთადერთ მიზანს - შეზღუდოს შეკრებისა და გამოხატვის თავისუფლება.

კანონპროექტის შინაარსიდან და მისი უკიდურესად დაჩქარებული ტემპით მიღებიდან გამომდინარე, აშკარაა, რომ ხელისუფლება ცდილობს კიდევ უფრო რეპრესიული შინაარსი შესძინოს პრაქტიკაში კუმულაციურად არაერთხელ გამოყენებულ ნორმებს. გარდა ამისა, საკანონმდებლო ცვლილებებით მოხდა სამოქალაქო საზოგადოების და აკადემიური წრეების მოთხოვნის უგულებელყოფა - 1984 წელს მიღებული საბჭოთა კოდექსის ფუნდამენტური რეფორმის ნაცვლად, ქვეყანაში საპროტესტო აქციების დროს დაკავებულ პირთა მიმართ არაერთხელ გამოყენებული ნორმები უფრო რეპრესიული გახდა“, - აღნიშნულია DRI-ის მიერ გავრცელებულ განცხადებაში.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ჩინეთის ვიცე-პრეზიდენტი - ჩინური წარმოების პროდუქცია, განსაკუთრებით ავტომობილები, საქართველოს მოსახლეობაში დიდი პოპულარობით სარგებლობს

FT: აშშ-ის დემოკრატები უკრაინისთვის 15 მილიარდი დოლარის დახმარების გამოყოფას ამზადებენ და რუსეთის წინააღმდეგ სანქციების გამკაცრებას სურთ

დონალდ ტრამპმა UFC-ის დირექტორს, დანა უაითს, თეთრი სახლის პრესმდივნის თანამდებობა შესთავაზა

მოსკოვის ცენტრში 100-ზე მეტი ადამიანი დააკავეს; ზოგიერთს სამხედრო რეგისტრაციისა და გაწვევის ოფისში უწყება გადაეცა