2021-04-22 14:16:38, 569 ნახვა
საზოგადოება
„ევროპულ საქართველოში“ აცხადებენ, რომ საქართველოშ ანტიგენბაზირებული ტესტების დიდი დეფიციტია
„ევროპული საქართველოს“ მდივანი ჯანდაცვის საკითხებში ვახტანგ კალოიანი აცხადებს, რომ საქართველოში ანტიგენბაზირებული ტესტების დეფიციტია.
როგორც ის აღნიშნავს, მსგავსი დეფიციტების შექმნა ძალიან სახიფათოა და მიუთითებს პროცესის ცუდ დაგეგმვაზე.
„ჩვენთვის ცნობილი გახდა, დოკუმენტებით დადასტურებული, რომ საქართველოში საკმაოდ დიდი დეფიციტია ანტიგენბაზირებული ტესტების, სულ 25 ათასი გვაქვს დარჩენილი და ჯანდაცვის სამინისტრო ითხოვს სწრაფი შესყიდვის წესით მის შემოტანას, რაც საკმაოდ სახიფათოა ამ გაზრდილი რაოდენობის გათვალისწინებით. 25 ათასი არის სულ რამდენიმე დღის საჭირო დოზა. მსგავსი დეფიციტების შექმნა ძალიან სახიფათოა და ის მიუთითებს პროცესის ძალიან ცუდ დაგეგმვაზე“, - განაცხადა ვახტანგ კალოიანმა.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
