2021-04-08 15:16:31, 835 ნახვა

---

თამარ გაბუნია - ვაქცინაცია დღესაც და სამომავლოდაც იქნება ნებაყოფლობითი, არ განვიხილავთ სავალდებულობას

ვაქცინაცია დღესაც და სამომავლოდაც, იქნება ნებაყოფლობითი, არ განვიხილავთ ვაქცინაციის სავალდებულობას, - ამის შესახებ ჯანდაცვის მინისტრის მოადგილემ, თამარ გაბუნიამ სამინისტროში გამართულ ბრიფინგზე განაცხადა.

„ვაქცინაცია დღესაც და სამომავლოდაც იქნება ნებაყოფლობითი. არც ერთ შემთხვევაში ჩვენ არ განვიხილავთ ვაქცინაციის სავალდებულობას, დადებითი მოტივების შემოტანაც მოხდება ფრთხილად, რომ ამან არ შექმნას გარკვეული ეთიკური ბარიერები და ამის გამოცდილება ჯანდაცვის სისტემაში არსებობს“, - განაცხადა თამარ გაბუნიამ.

შეგახსენებთ, რომ დღეს ვაქცინაციის საბჭომ მიიღო გადაწყვეტილება და საქართველოში ვაქცინაციის პროგრამა „ასტრაზენეკას“ ვაქცინით 55 წელს ზემოთ მყოფ ასაკობრივ ჯგუფში გაგრძელდება.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი