მედიის ინფორმაციით, მერკელი, მაკრონი და ზელენსკი დონბასში არსებულ სიტუაციას პუტინის გარეშე განიხილავენ

2021-04-05 13:57:14, 778 ნახვა

მსოფლიო

საფრანგეთის პრეზიდენტმა ემანუელ მაკრონმა, გერმანიის კანცლერმა ანგელა მერკელმა და უკრაინის პრეზიდენტმა, ვლადიმერ ზელენსკიმ მიმდინარე კვირაში, შესაძლოა, სამმხრივ ფორმატში შეხვედრა გამართონ, - აღნიშნულ ინფორმაციას სააგენტო ZN.UA დიპლომატიურ წყაროებზე დაყრდნობით ავრცელებს.

როგორც სააგენტოს მიერ გავრცელებულ ინფორმაციაშია აღნიშნული, მთავარი თემა, რასაც შეეხება საუბარი დონბასში არსებული ვიტარება და ამ მხრივ, მხარეთა პოზიციების კოორდინაცია იქნება.

მათივე ინფორმაციით, აღნიშნული შეხვედრა ვიდეოკონფერენციის შემდეგ უნდა გამართულიყო, რომელსაც მერკელი, მაკრონი და პუტინი ესწრებოდნენ, თუმცა ვერ შედგა, რადგან მხარეები დროზე ვერ შეთანხმდნენ.

კიდევ ერთ დიპლომატიურ წყაროზე დაყრდნობით სააგენტო წერს, რომ ჯერჯერობით არ არსებობს ზუსტი ინფორმაცია შეხვედრი დროსა და თარიღზე.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან