გამოჩნდა კლასტერული შემთხვევების ტენდენცია, რაც პირველი ნიშანია, რომ განგაშის ზარს გონგი  შემოვკრათ, - ამის შესახებ დაავადებათა კონტორილის ეროვნული ცენტრის ხელმძღვანელმა, ამირან გამყრელიძემ ქვეყანაში არსებულ ეპიდსიტუაციაზე საუბრისას განაცხადა.

როგორც მან ჯანდაცვის სამინისტროში გამართულ ბრიფინგზე აღნიშნა, არ არის გამორიცხული, რომ ქვეყანა კორონავირუსის მესამე ტალღაში შევიდეს.

„რა თქმა უნდა, არავის არ ვაშინებ, მაგრამ დღევანდელი ეპიდსიტუაცია მაგონებს დაახლოებით, იმ ეპიდსიტუაციას, რაც ჩვენ გვქონდა სექტემბრის ბოლოს და ოქტომბრის დასაწყისში. თუ ჩვენ არ დავიცავთ იმ რეკომენდაციებს, არ არის გამორიცხული, რომ შევიდეთ მესამე ტალღაში. უმორჩილესად გთხოვთ, მაქსიმალურად მივაწოდოთ მოსახლეობას ინფორმაცია, რომ კორონავირუსი ჩვენ არ დაგვიმარცხებია. კი, სერიოზულად შევამცირეთ ინციდენტობა და დადებითობის მაჩვენებელი, მაგრამ ჯერ შორს ვართ. გუშინწინ და გუშინ ჩვენ გადავცდით 600-იან ზღვარს, რაც არ გვქონია თებერვლის დასაწყისის შემდეგ. ამიტომ, გამოჩნდა ტენდენცია კლასტერული შემთხვევების, რომელიც პირველი ნიშანია, რომ შემოვკრათ განგაშის ზარს გონგი. გვაქვს კლასტერული მცირე ეპიდაფეთქებები „აჭარა ტექსტილში“, კასპის რაიონში, ცაგერში და იმერეთის რამდენიმე მუნიციპალიტეტში. წერტილოვანი შეზღუდვები აუცილებლად იქნება“, - განაცხადა ამირან გამყრელიძემ.

ავტორი: ექსპრესნიუსი,

სოციალური ქსელები

Bloomberg - ევროპამ უარი თქვა რუსეთის უსაფრთხოების მოთხოვნების განხილვაზე მანამ, სანამ უკრაინაში ომი არ დასრულდება

რომელი ქვეყნების მოქალაქეები დეპორტირდნენ საქართველოდან ყველაზე ხშირად 2026 წელს?

ჩინეთის ვიცე-პრეზიდენტი - ჩინური წარმოების პროდუქცია, განსაკუთრებით ავტომობილები, საქართველოს მოსახლეობაში დიდი პოპულარობით სარგებლობს

FT: აშშ-ის დემოკრატები უკრაინისთვის 15 მილიარდი დოლარის დახმარების გამოყოფას ამზადებენ და რუსეთის წინააღმდეგ სანქციების გამკაცრებას სურთ