2021-03-31 10:15:46, 646 ნახვა
საზოგადოება
ანზორ ერქომაიშვილი 80 წლის ასაკში გარდაიცვალა
ანსამბლ „რუსთავის“ დამფუძნებელი, ანზორ ერქომაიშვილი 80 წლის ასაკში გარდაიცვალა.
ამის შესახებ ინფორმაციას ანსამბლი „რუსთავი“ ოფიციალურ გვერდზე ავრცელებს.
ანზორ ერქომაიშვილი პირველ საუნივერსიტეტო კლინიკაში კორონავირუსის დიაგნოზით იყო მოთავსებული. ის მართვით სუნთქვაზე იმყოფებოდა.
მუსიკოსი, ფოლკლორისტი და საქართველოს ხელოვნების დამსახურებული მოღვაწე ანზორ ერქომაიშვილი ვოკალურ ანსამბლ „რუსთავს“ 1968 წლიდან ხელმძღვანელობდა. გამოცემული აქვს მის მიერვე ჩაწერილი 7 ქართული (გურული) ხალხური სიმღერა. ავტორია წიგნებისა „ხმა უცნაური“, „ბაბუა“, „შავი შაშვი ჩიოდა“.
ავტორი: ექსპრესნიუსი,
epn.ge (@expressnews.ge)
