რაც უფრო დიდხანს გააგრძელებენ შეტოპვას, მით უფრო მეტ ზიანს მოუტანენ ქვეყანას, - ამის შესახებ პარტია „ევროპული საქართველოს" ლიდერმა, გიგა ბოკერიამ კრისტიან დანიელსონის მედიაციით, ხელისუფლებასა და ოპოზიციას შორის შეხვედრის დაწყებამდე, ჟურნალისტებს განუცხადა.

გიგა ბოკერიამ აღნიშნა, რომ შეთანხმების მისაღწევად რამდენიმე პუნქტი საკვანძოა, კერძოდ, ესენია: ვადამდელი არჩევნები და პოლიტპატიმრების გათავისუფლება.

„ბუნებრივია, ეს კრიზისი შეიქმნა ბევრი ფაქტორის გამო, სახელმწიფოს მიტაცების გამო მთელი ამ წლების განმავლობაში. ბოლო ფაზა ამ ყველაფრის გავრილოვის ღამის შემდეგ იყო, რეპრესიები და ამ რეპრესიების შემდეგ მანიპულაციები, რითიც მიიტაცა და შეინარჩუნა ძალაუფლება ფორმალურად. ჩვენ ჩამოთვლილი გვაქვს ეს ჩვენს წერილში. აქედან გამომდინარე, ყველა ის პუნქტი, რომელიც მიშელმა მოიყვანა არის მნიშვნელოვანი, მაგრამ რამდენიმე პუნქტი არის საკვანძო ახლავე პროცესის გასახსნელად, სხვა მნიშვნელოვან საკითხებთან ერთად. ასეთია ვადამდელი არჩევნები და ასეთია პოლიტპატიმრები. 

ჩვენი მეგობრები იძულებული ხდებიან განიხილონ საკითხი საქართველოსთვის პირობების დაყენების დახმარებაზე. ეს არის კატასტროფული შედეგი ივანიშვილის რეჟიმის მმართველობის. რაც უფრო დიდხანს გააგრძელებენ შეტოპვას, მით უფრო მეტ ზიანს მოუტანონ ჩვენ ქვეყანას და პოლიტიკურად დაიღუპავენ თავს", - განაცხადა გიგა ბოკერიამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ხაბეიშვილი - ქოცების ხელში დავრჩებით მანამ, სანამ არ მოვიკრებთ გამბედაობას და არ გადავალთ შეტევაზე

ქართველ მწერალთა სახლს შეუერთდებიან ჭავჭავაძის, წერეთლის, ტაბიძის და სხვათა მუზეუმები

შეავსე განაცხადი 2026 წლის მასწავლებლის ეროვნულ ჯილდოზე - პროექტის მხარდამჭერი საქართველოს ბანკია

მართვის მოწმობის მიღების წესებში ცვლილებები შევიდა