2021-03-29 10:03:24, 1793 ნახვა
პოლიტიკა
კრისტიან დანიელსონის მედიაციით ხელისუფლებასა და ოპოზიციას შორის შეხვედრები დღეს განახლდება
საქართველოში ევროკავშირის წარმომადგენლობის ინფორმაციით, კრისტიან დანიელსონის მედიაციით ხელისუფლებასა და ოპოზიციას შორის შეხვედრები დღეს განახლდება.
დანიელსონი საქართველოში 27 მარტს დაბრუნდა. 28 მარტს მან შეხვედრა არასამთავრობო სექტორის წარმომადგენლებთან გამართა, სადაც კრიზისის დაძლევის გზებზე მათი პოზიცია მოისმინა.
ცნობისთვის, კრისტიან დანიელსონი საქართველოში პოლიტიკურ პარტიებს შორის დიალოგში მონაწილეობისთვის, უკვე მეორედ ჩამოდის. პირველად, შარლ მიშელის პირადი წარმომადგენლის ვიზიტი საქართველოში 12 მარტიდან 19 მარტამდე გაგრძელდა, თუმცა მისი შუამავლობით ოპოზიციასა და ხელისუფლებას შორის გამართული შეხვედრები შეთანხმების გარეშე დასრულდა.
ავტორი: ექსპრესნიუსი,
epn.ge (@expressnews.ge)
