კიდევ ერთ მასშტაბურ ინფრასტრუქტურულ პროექტს იუსტიციის სამინისტრო ხაშურში ახორციელებს. იუსტიციის სახლის მშენებლობა აქ 2021 წელს დაიწყო. დღეს კი მიმდინარე სამუშაოები იუსტიციის მინისტრის მოადგილე სოსო გიორგაძემ მოინახულა.

სერვისების მიმწოდებელი ძველი საბჭოთა ინფრასტრუქტურის ჩასანაცვლებლად იუსტიციის სამინისტრო 2013 წლიდან აქტიურად მუშაობს. დღეისათვის, საქართველოში მხოლოდ 13 რაიონული ცენტრია, სადაც სერვისები კვლავ ძველ შენობებში გაიცემა. ახალი იუსტიციის სახლის ან საზოგადოებრივი ცენტრის მშენებლობა ყველა ასეთ ქალაქსა თუ სოფელშია დაგეგმილი. მათგან 6 მშენებლობა მიმდინარეა, დანარჩენ 7 რაიონში კი, ან უკვე მზადაა სამშენებლო პროექტები და შერჩეულია მიწის ნაკვეთები, ან ამისათვის მოსამზადებელი სამუშაოები მიმდინარეობს. მთელი ქვეყნის მასშტაბით 25 იუსტიციის სახლი და 85 ცენტრი ფუნქციონირებს.

ხაშურის იუსტიციის სახლში ქორწინების მსურველი წყვილებისთვის ქორწინების სახლიც განთავსდება და ნებისმიერ წყვილს ექნება საშუალება, ქორწინების რეგისტრაცია საზეიმო ცერემონიალის თანხლებით დაგეგმოს დახვეწილი დიზაინის მქონე ქორწინების სახლში, სადაც მათ სპეციალური საქორწინო-სადღესასწაულო დეკორაციით გაფორმებული სივრცე დახვდებათ.

ხაშურის ფილიალი მესამე იუსტიციის სახლი იქნება, რომელიც შიდა ქართლის რეგიონში გაიხსნება. აღსანიშნავია, რომ რეგიონში, კერძოდ, გორსა და ქარელში, უკვე ფუნქციონირებს იუსტიციის სახლის ფილიალები, კასპში კი რამდენიმე თვეში საზოგადოებრივი ცენტრი დაიწყებს ფუნქციონირებას.

ხაშურის იუსტიციის სახლის მშენებლობა 2022 წლის აპრილში დასრულდება. იუსტიციი სახლების მშენებლობა მიმდინარეობს, ასევე, გარდაბანში, წყალტუბოსა და სამტრედიაში.

ავტორი: NS (სტატია დაფინანსებულია),

სოციალური ქსელები

ვიტკოფმა სამმხრივი ტექნიკური დონის მოლაპარაკებები გამოაცხადა

ALDE: ოცნება რეპრესიებს აღრმავებს - ევროკავშირმა უფრო მკაცრი სანქციებით უნდა უპასუხოს

კლანის წევრის რევაზ ნადარაიას ისტერიკა საკონსტიტუციო სასამართლოს სხდომაზე

გერმანიის საგარეო - საქართველოში პარტიების აკრძალვის საკონსტიტუციო სარჩელი შემაშფოთებელია