2021-03-16 13:53:47, 530 ნახვა
პოლიტიკა
საფრანგეთის ელჩი - შეთანხმებამდე ბოლო ნაბიჯები ყველაზე რთულია, წინ საქართველო!
შეთანხმებამდე ბოლო ნაბიჯები ყველაზე რთულია, წინ საქართველო!, - ამის შესახებ საქართველოში საფრანგეთის ელჩი, დიეგო კოლასი სოციალურ ქსელ „ტვიტერში“ წერს და საქართველოში მიმდინარე პოლიტიკურ პროცესს ეხმაურება.
ელჩის განცხადებით, ყველა პოლიტიკურ მხარეს აქვს შანსი აჩვენოს, რომ დისკუსიებმა, პასუხისმგებლობის გრძნობამ და გამბედაობამ შესაძლოა ხელი შეუწყოს უთანხმოების მოგვარებას.
„შეთანხმებამდე ბოლო ნაბიჯები ყველაზე რთულია. მადლობა კრისტიან დანიელსონს, ევროკავშირს, აშშ-ს ჩატარებული სამუშაოებისთვის. წინ საქართველო! ყველა მხარეს აქვს შანსი აჩვენოს, რომ დისკუსიებმა, პასუხისმგებლობის გრძნობამ და გამბედაობამ შესაძლოა ხელი შეუწყოს ძლიერი უთანხმოების მოგვარებას და დემოკრატიის კონსოლიდაციას“, - წერს ელჩი სოციალურ ქსელში.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
