„სტრატეგია აღმაშენებლის“ ლიდერის, გიორგი ვაშაძის განცხადებით, ევროპული საბჭოს პრეზიდენტის შარლ მიშელის წარმომადგენელი, კრისტიან დანიელსონი საქართველოში მხარეებს შორის შეთანხმების მიღწევამდე დარჩება.

როგორც ვაშაძემ აღნიშნა, დანიელსონის დარჩენა კიდევ ერთხელ მიანიშნებს იმაზე, რომ შეთანხმებას ვერც ერთი მხარე ვერ გაექცევა.

„კარგი ამბავია ის, რომ დანიელსონი შეეცდება მანამ იყოს საქართველოში, სანამ შეთანხმება არ მოხდება. რომ გითხრათ დღეს რამე განსხვავებული კუთხით წავიწიეთ წინ, ასე კონკრეტულად ეს არ არის. მივესალმები, რომ მოლაპარაკება არ შეფერხდა და გაგრძელდება. ოპოზიცია მზადაა რაციონალური კომპრომისისთვის.

სიტუაცია მარტივი არაა. შეიძლება ჩვენი შეხვედრა იყოს უკვე ხვალ, მაგრამ არ ვიცი ცალკე თუ გაერთიანებული. შეხვედრაზე არ ვიცი რა პოზიციას აფიქსირებს„ქართულ ოცნებას“. დანიელსონის დარჩენა ნიშნავს, რომ ვერც ერთი მხარე ვერ გაექცევა შეთანხმებას“, - განაცხადა გიორგი ვაშაძემ კრისტიან დანიელსონთან შეხვედრის შემდეგ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს