გიორგი გახარიას ნიკა მელიას დაკავებაზე საკმაოდ მტკიცე და მომთხოვნი პოზიცია ჰქონდა, - ამის შესახებ პარლამენტის პირველმა ვიცე-სპიკერმა, გია ვოლსკი, ჟურნალისტებთან საუბრისას განაცხადა.

მისი თქმით, ირაკლი კობახიძის განცხადებაზე საუბარი, რომ 5 საათისთვის ხელისუფლებამ იცოდა პრემიერ-მინისტრის პოზიციის შეცვლა, არაპროფესიონალიზმი და გულუბრყვილობაა.

„ირაკლი კობახიძემ თქვა, რომ 5 საათზე ვიცოდით, რომ პოზიცია შეიცვალა პრემიერ-მინისტრმა, მაშინ როდესაც სასამართლო გადაწყვეტილება არ იყო დამდგარი. ამის წინასწარ ცოდნად მონათვლა, არ არის პროფესიონალური და საერთოდ გულუბრყვილობაა, რადგან რამდენიმე ვარიანტი იყო გათვლილი და რასაკვირველია, სასამართლოს გადაწყვეტილების მიხედვით, ესა თუ ის მოქმედებები უნდა ეწარმოებინა აღმასრულებელ ხელისუფლებას. გამორიცხულია და ბავშვი არ დაიჯერებს იმას, რომ მერე უნდა მოემზადო, რაც დადგება შედეგი. ხელისუფლებას უნდა ემოქმედა კონკრეტული გეგმით.

როდესაც საუბარი იყო, რომ მისთვის საპარლამენტო უფლებამოსილება შეენარჩუნებინათ, გახარიას რიტორიკა მახსოვს, მოსატყუებელი აქ არაფერია, საკმაოდ მყარი მტკიცე და მომთხოვნი პოზიცია ჰქონდა ამასთან დაკავშირებით. 5 საათისთვის თუ მერე, რა ლაპარაკი შედგა არ ვიცი, მაგრამ ჩამოყალიბებული, თუკი სასამართლო მიიღებდა გადაწყვეტილებას დაკავების შესახებ, აღმასრულებელ ხელისუფლებას უნდა აღესრულებინა და არ მიეცა შეჯახებების ორგანიზების საშუალება“, - განაცხადა გია ვოლსკიმ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

უკრაინის შეიარაღებული ძალების თავდასხმების გამო, პუტინმა რუსეთში საზოგადოებრივი გადაადგილება სრულად შეაჩერა

რუსეთში ვარდები და მიხაკები გაძვირდება სომხეთიდან ყვავილების იმპორტის აკრძალვის გამო

ხაბეიშვილი - ქოცების ხელში დავრჩებით მანამ, სანამ არ მოვიკრებთ გამბედაობას და არ გადავალთ შეტევაზე

ქართველ მწერალთა სახლს შეუერთდებიან ჭავჭავაძის, წერეთლის, ტაბიძის და სხვათა მუზეუმები