პარლამენტის ვიცე-სპიკერი, გია ვოლსკი „ტვ პირველთან“ დაკავშირებულ ინფორმაციას ეხმაურება და აცხადებს, რომ შავ ტანსაცმელში გამოწყობილი, ტრაურით გამოსული ჟურნალისტების განცხადებები რეალობას არ შეესაბამება.

ვოლსკიმ ისაუბრა მედია თავისუფლების შესახებ და აღნიშნა, რომ მას არანაირი საფრთხე არ ემუქრება.

„სასამართლოდან შაბლონური ტექსტის მიღება ჩვეულებრივი ამბავია და არავის უნდა გაუკვირდეს. როცა საქმე მასალების მოპოვებას ეხება, რასაკვირველია, სასამართლო არ ითვალისწინებს კონკრეტულ დაწესებულებას ან პოლიტიკურ მიზანშეწონილობას. ტელევიზია გამოძიებასთან თუ თანამშრომლობს, შეჭრაზე საუბარი პოლიტიკურად ანგაჟირებული და ოდნავ სასაცილოცაა, რადგან გვახსენებს, რომ სააკაშვილის პერიოდში მედიათავისუფლების ინდექსით, ქვეყანა 104-ე ადგილზე იყო და 31 პუნქტით ჩამორჩებოდა შევარდნაძის პერიოდის ინდექსს. მედიათავისუფლებას არაფერი ემუქრება და მით უმეტეს, შავ ტანსაცმელში გამოწყობილი, ტრაურით გამოსული ჟურნალისტების განცხადებები არანაირად არ შეესაბამება იმ რეალობას, რომელიც საქართველოში არსებობს“, - განაცხადა ვოლსკიმ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

უკრაინის შეიარაღებული ძალების თავდასხმების გამო, პუტინმა რუსეთში საზოგადოებრივი გადაადგილება სრულად შეაჩერა

რუსეთში ვარდები და მიხაკები გაძვირდება სომხეთიდან ყვავილების იმპორტის აკრძალვის გამო

ხაბეიშვილი - ქოცების ხელში დავრჩებით მანამ, სანამ არ მოვიკრებთ გამბედაობას და არ გადავალთ შეტევაზე

ქართველ მწერალთა სახლს შეუერთდებიან ჭავჭავაძის, წერეთლის, ტაბიძის და სხვათა მუზეუმები