„ქართული ოცნების“ დღის წესრიგია, რომ შემოვიდნენ „ტვ პირველში“, რათა ტელეკომპანიამ შეწყვიტოს მაუწყებლობა, - ამის შესახებ „ტვ პირველის“ დამფუძნებელმა, ვატო წერეთელმა საგანგებო ბრიფინგზე განაცხადა.

ამასთანავე, ვატო წერეთელმა რეაგირებისთვის დიპლომატიურ კორპუსს მიმართა.

„მინდა მივმართო ქვეყნის ხელისუფლებას, გამორიცხულია თქვენ „ტვ პირველი“ ჩააქროთ და არ იმაუწყებლოს ჩვენი ქვეყნის მასშტაბით. მოგმართავთ თქვენ, გამორიცხულია თქვენ შეძლოთ კრიტიკული მედია ჩაახშოთ და არ იყოს მაუწყებელი, ჩვენი ხმა არ ისმოდეს ამ ქვეყანაში. მინდა მივმართო დიპლომატიურ კორპუსს, რადგან ამ ისტერიას მხოლოდ თქვენ თუ შეაჩერებთ და მინდა მოვითხოვო თქვენგან სწრაფი რეაგირება, რადგან დღეს სასამართლოს დადგენილებაში გაჩნდა ჩანაწერი, რომ პროკურატურას დღეს შეუძლია შემოვიდეს ძალის გამოყენებით „ტელეკომპანია პირველში“, ეს არის პროკურატურის განაჩენი, ეს არის დღეს „ქართული ოცნების“ დღის წესრიგი, რომ შემოვიდნენ და „ტელეკომპანია პირველი“ აღარ იყოს ამ ქვეყანაში“, - განაცხადა ვატო წერეთელმა.

შეგახსენებთ, რომ დღეს სასამართლომ პროკურატურას „ტვ პირველიდან" მასალების ამოღების უფლება მისცა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times