2021-03-09 14:32:58, 567 ნახვა
პოლიტიკა
„მოქალაქეები“ ფარულ ჩანაწერებთან დაკავშირებით პარლამენტში დროებითი საგამოძიებო კომისიის შექმნის ინიციატივით გამოდის
პარტია „მოქალაქეები“ „ტვ პირველის“ მიერ გავრცელებულ ჩანაწერებთან დაკავშირებით პარლამენტში დროებითი საგამოძიებო კომისიის შექმნის ინიციატივით გამოდის.
ამის შესახებ პარტიის ლიდერმა, ალეკო ელისაშვილმა საკანონმდებლო ორგანოში გამართულ ბრიფინგზე განაცხადა.
„პარლამენტს აქვს ინსტრუმენტი, რომ ჩვენს მიერ დასმულ და საზოგადოებაში დასმულ კითხვებზე იყოს პასუხები. შესაბამისად, ჩვენ, პარტია „მოქალაქეების“ წარმომადგენლები მივმართავთ „ქართულ ოცნებას“ და მოვუწოდებთ, რომ შეიქმნას დროებითი საგამოძიებო კომისია, რათა მოხდეს ამ ფაქტის გამოძიება და იმის დადგენა, იყო თუ არა ავთენტური ეს ჩანაწერი და ბატონები ღარიბაშვილი და ჩუბინიძე ჩანაწერებში საუბრის დროს იკავებდნენ თუ არა პოლიტიკურ თანამდებობებს“, - განაცხადა ალეკო ელისაშვილმა.
ავტორი: ექსპრესნიუსი,
epn.ge (@expressnews.ge)
