2021-03-09 10:18:36, 621 ნახვა
პოლიტიკა
პარლამენტში ჰესების მშენებლობის თაობაზე დღეს ნათია თურნავასა და ლევან დავითაშვილს მოუსმენენ
მდინარე რიონზე დაგეგმილი ჰესების მშენებლობის საკითხს დღეს პარლამენტის დარგობრივი ეკონომიკისა და ეკონომიკური პოლიტიკისა და გარემოს დაცვისა და ბუნებრივი რესურსების კომიტეტების ერთობლივ სხდომაზე განიხილავენ.
ორი კომიტეტის გაერთიანებულ სხდომაზე დღეს, ეკონომიკისა და მდგრადი განვითარების მინისტრ ნათია თურნავასა და გარემოს დაცვისა და სოფლის მეურნეობის მინისტრ ლევან დავითაშვილს მოუსმენენ.
მდინარე რიონზე დაგეგმილი ჰესების მშენებლობის შეჩერების მოთხოვნით პარლამენტში 10 135 მოქალაქის ხელმოწერილი პეტიციაა წარდგენილი.
პეტიციის ავტორების განცხადებით, ონისა და ნამახვანის კასკადების მშენებლობა რეგიონს სერიოზული საფრთხის წინაშე აყენებს და ჰიდროელექტროსადგურებთან დაკავშირებული ხელშეკრულებების გასაჯაროებას ითხოვენ.
ავტორი: ექსპრესნიუსი,
epn.ge (@expressnews.ge)
