უმრავლესობის ლიდერი მამუკა მდინარაე ეუთო/ოდირის მიერ 2020 წლის 31 ოქტომბრის საპარლამენტო არჩევნთა დაკავშირებით გამოქვეყნებულ დასკვნას ეხმაურება.

როგორც მამუკა მდინარაძე აღნიშნავს, ანგარიში არის ბეჭედი იმ სიმართლის დასადასტურებლად, რა სიმართლეც ამ ხნის განმავლობაში, რთული გასატანი იყო.

მისივე თქმით, ოპოზიციას ჰქონდა დასკვნის ამგვარი მოლოდინი და ამიტომ უძღოდა წინ მათი სპექტაკლები.

„დღეს საბოლოოდ დაესვა წერტილი და საბოლოოდ დადასტურდა ის სიმართლე, რასაც თავისუფალ გარემოში, კონკურენტულ გარემოში ჩატარებული არჩევნები ერქვა, ეს არჩევნები საქართველოში შედგა, რომლის შესახებ უამრავი სხვადასხვა სპეკულაცია მოვისმინეთ. სწორედ იმიტომ, რომ რეალური იყო მოლოდინი ეუთო/ოდირისგან ასეთი დასვკნის, ამ ყველაფერს უძღვოდა წინ ის სპექტაკლები, რომელიც სამწუხაროდ ჩვენმა ოპოზიციამ ამ ქვეყანაში დადგა და ქვეყანას მიაყენა ზიანი.

ეუთო/ოდირის დასკვნა არის ბეჭედი იმ სიმართლის დასამტკიცებლად და დასადასტურებლად, რა სიმართლეც მთელი ამ ხნის განმავლობაში, ცოტა არ იყოს რთული გასატანი გახდა, მაგრამ საბოლოოდ საზოგადოებამ ყველაფერი ნათლად დაინახა.

სამწუხაროა დანარჩენი ყველაფერი, სამწუხაროა როდესაც სიმართლის წინააღმდეგ იბრძვიან კონკრეტული ადამიანები, თუ პოლიტიკური სუბიექტები. დღევანდელმა ეუთო/ოდირის დასვკნამ კიდევ ერთხელ ცხადყო, რომ საქართველოში 2020 წელს შედგ კონკურენტული, ძირითადი თავისუფლების დაცვით არჩევნები, რომელშიც, რა თქმა უნდა, ისევე როგორც ყველა სხვა ქვეყნისთვის წარმატებული არჩევნების შემთხვევაში, აქაც იყო ხარვეზები და გამოვთქვამთ ყოველთვის მზადობას, რომ საარჩევნო რეფორმა, ყველა წესის დაცვით, შეთანხმებით მხარეებს შორის ჩატარდეს ისე, რომ ყოველი შემდეგი არჩევნები იყოს წინაზე უკეთესი“, - განაცხადა მამუკა მდინარაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს