ემოციები და ულტიმატუმები გვერდით უნდა გადავდოთ და სამართლიან საფუძვლებზე შევთანხმდეთ, - ამის შესახებ პარლამენტის თავმჯდომარემ, არჩილ თალაკვაძემ ბიუროს სხდომაზე განაცხადა.

მისი თქმით, ოპოზიციის ბოიკოტი არის შეცდომა და დემოკრატიული პრინციპების წინააღმდეგ გადადგმული ნაბიჯი.

მანვე დასძინა, რომ ოპოზიციის მიერ დაყენებული საკითხებიდან, მინიმუმ ორი მოითხოვს მათ ჩართვას საპარლამენტო პროცესში, სხვაგვარად კი, შეუძლებელია.

„ბოიკოტი ეს იყო შეცდომა და ჩვენ ყოველთვის ამას ვამბობდით, რომ დემოკრატია მოითხოვს მონაწილეობას და მონაწილეობაზე უარის თქმა არის დემოკრატიული პრინციპების წინააღმდეგ გადადგმული ნაბიჯი.

საკმაოდ ზედაპირული კომენტარი მოვისმინეთ, რომ თითქოს პარლამენტში ჩართვა ოპოზიციის და პოლიტიკის დაბრუნება საპარლამენტო სივრცეში თითქოს აღარ არის საჭირო და მნიშვნელოვანი - მინდა პირდაპირ ვუთხრა საზოგადოებას, რომ მოლაპარაკებების დღის წესრიგში, ოპოზიციის მიერ დაყენებული საკითხებიდან, მინიმუმ ორი მოითხოვს მათ ჩართვას საპარლამენტო პროცესში, სხვანაირად უბრალოდ შეუძლებელია იმ პირობების განხორციელება, თუ ამ პირობებზე შეთანხმება შედგება დიალოგის პროცესში.

დიალოგი ასევე მოითხოვს სამართლიან პირობებზე შეთანხმებას. ვფიქრობ, ემოციები და ულტიმატუმები უნდა გადავდოთ გვერდით და სამართლიან საფუძვლებზე უნდა შევთანხმდეთ“, - განაცხადა არჩილ თალაკვაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს