2015-10-07 16:13:35, 1613 ნახვა
მსოფლიო
რუსეთის ხომალდებმა სირია კასპიის ზღვიდან დაბომბეს
რუსეთის სამხედრო ხომალდებმა „ისლამური სახელმწიფოს“ პოზიციებზე სარაკეტო იერიში მიიტანეს.
ამის შესახებ რუსეთის პრეზიდენტმა ვლადიმერ პუტინმა განაცხადა.
მისი თქმით, გემებმა ტერორისტულ ორგანიზაციის ობიექტები კასპიის ზღვის აკვატორიიდან დაბომბეს.
პუტინის განცხადებით, სულ 26 რაკეტა იქნა გაშვებული, რომელმაც 11 სამიზნე გაანადგურა.
„ის ფაქტი, რომ ჩვენ გავუშვით რაკეტები კასპიის ზღვიდან და გავანადგურეთ 1500 კილომეტრში მდებარე სამიზნეები, მეტყველებს ჩვენი თავდაცვითი–სამრეწველო კომპლექსის კარგ მუშაობასა და პირადი შემადგენლობის გაწვრთნის მაღალ დონეზე“, – განაცხადა პუტინმა.
შეგახსენებთ, რომ რუსეთი სირიაში საჰაერო ოპერაციას 30 სექტემბრიდან ატარებს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
