ვაკის პარკის ტერიტორიაზე სასტუმრო „ბუდაპეშტის“ სამშენებლო სამუშაოები შეწყდა.

როგორც „ექსპრესნიუსს“ თბილისის მერიაში განუცხადეს, ინვესტორს ვაკის პარკის ტერიტორიაზე სასტუმრო „ბუდაპეშტის“ მშენებლობის ნებართვა არ აქვს.

ინვესტორის თქმით, მათ სასამართლოში 6-წლიანი დავა მოიგეს, რის გამოც სამშენებლო სამუშაოები განაახლეს.

„ჩვენ მერიიდან ნებართვა გვაქვს 2013 წლიდან. ამის შემდეგ დაგვჭირდა 6 წელი იმ ადამიანების საპასუხოდ, რომლებიც გვიჩიოდნენ, რომ აქ არ შეიძლებოდა მშენებლობა და ნებართვა იყო უკანონოდ გაცემული. 6 წლიანი დავის შემდეგ ჩვენ მოვიგეთ სასამართლო პროცესი და აღვიდგინეთ მშენებლობის ნებართვა ამ ადგილას. გვაქვს სასამართლოს ნებართვაც“,- განაცხადა გოგა ზაქაიძემ „ტვ პირველთან“.

ცოტა ხნის წინ ადგილზე დედაქალაქის ინსპექციის სამსახური იმყოფებოდა, რომელმაც ინვესტორს სამუშაოების დაუყონებლივ შეჩერებისკენ მოუწოდა. აღნიშნულ საკითხზე უახლოეს მომავალში მერიაში შეხვედრა გაიმართება.

ავტორი: ექსპრესნიუსი,

სოციალური ქსელები

მეუფე ზენონი: ეკლესიის პასუხისმგებლობაა, შეახსენოს ყველას, ძალაუფლება არ დგას კანონზე მაღლა

„ისინი არასტაბილურ მდგომარეობაში არიან.“ ესტონეთმა რუსეთთან მოლაპარაკებების შეწყვეტისკენ მოუწოდა

უკრაინაში რუსეთის დანაშაულებზე სპეციალური ტრიბუნალი ჰააგაში განთავსდება

ივანიშვილის რეჟიმმა, 8 თვის ორსული უკრაინელი ჟურნალისტი საქართველოში არ შემოუშვა