2015-10-06 10:04:41, 337 ნახვა

---

მარგველაშვილი: ძალიან არ მინდა პრეზიდენტი კი არა, მოქალაქეც კი ვიყო იმ ქვეყნისა, სადაც პოლიტ-პატიმრებზეა საუბარი

„მე ძალიან არ მინდა პრეზიდენტი კი არა, მოქალაქეც ვიყო იმ ქვეყნისა სადაც პოლიტ-პატიმრებზე არის საუბარი,“ - ამის შესახებ საქართველოს პრეზიდენტმა გიორგი მარგველაშვილმა გადაცემა არჩევანში ისაუბრა.

 მარგველაშვილის თქმით, ის  არსებულ პროცედურულ დარღვევებს ხედავს.

„ნუ შევეცდებით და ნუ დავამძიმებთ, რომ ისინი პოლიტიკური პატიმრები არიან. ის, რომ პროცედურული დარღვევებია ამის შესახებ საკონსტიტუციო სასამართლომ ისაუბრა და ამას მყისიერად უპასუხა კიდეც სასამართლო სისტემამ. ისევე როგორც ეს უნდა ხდებოდეს ნებისმიერ სამართლებრივ სახელმწიფოში, სასამართლომ იმსჯელა და კონსტიტუციური ვერდიქტი აღდგა მათი კონსტიტუციური უფლების თვალსაზრისით. ჩვენ ვხედავთ, რომ არის დარღვევები და ამისთვის გვაკრიტიკებენ, მაგრამ ეს არ არის პოლიტ-პატიმრობის თაობაზე. მე ძალიან არ მინდა პრეზიდენტი კი, არა მოქალაქეც ვიყო იმ ქვეყნისა, სადაც პოლიტ-პატიმრებზე არის საუბარი,“ - აცხადებს გიორგი მარგველაშვილი.

 

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი