საპარლამენტო ფრაქცია "ქართული ოცნების" თავმჯდომარე გია ვოლსკის განცხადებით, 2 ოქტომბერს  პარლამენტთან დაკავებული პირებისთვის  პატიმრობის შეფარდების მომხრე არაა. თუმცა,  ვოლსკიმ სასამართლოზე ზეწოლა და პოლიტიკური გადაწყვეტილება  კატეგორიულად გამორიცხა. როგორც ვოლსკიმ "ექსპრესნიუსს" განუცხადა, აგრესიული ადამიანები  სამსახურში მიმავალ დეპუტატს თავს არ უნდა ესხმოდნენ.

"უსიამოვნო ფაქტი მოხდა, დეპუტატები მოდიოდნენ და არ უშვებდნენ, ხელს კრავდნენ და ფიზიკური დაპირისპირება მოხდა. რასაკვირველია, პატიმრობა რაღაც არ მომწონს მეც. სამართალდამცავების ფუნქციაში ჩარევაც არ ხელმეწიფება. პოლიტიკური გადაწყვეტილება, სასამართლოზე ზეწოლა- ეს არის სისულელე. ან განგებ ძაბავენ  სიტუაციას, ან სურთ,  რომ საზოგადოება შეცდომაში შეიყვანონ. რა შუაშია ზეწოლა და რა შუაშია პოლიტიკური გადაწყვეტილება?! ვის უნდა მიეღო პოლიტიკური გადაწყვეტილება?! მე დარწმუნებული ვარ, რომ ეს არის სპეკულაცია. რაც შეეხება პატიმრობას, მართალი გითხრათ, მე არ ვარ ამის მომხრე. არც იმის მომხრე ვარ, რომ ასე გამწარებული,  აგრესიული ხალხი ესხმოდეს დეპუტატს, რომელიც მიდის სამსახურში", - განაცხადა გია ვოლსკიმ.

შეგახსენებთ, „ნაციონალური მოძრაობის“ და „თავისუფალი ზონის“ წარმომადგენლები ნიკა ნარსია, მირიან დეისაძე და კახა გაბუნია სამართალდამცველებმა 2 ოქტომბერს დეპუტატ დავით ლორთქიფანიძისთვის ფიზიკური შეურაცხყოფის მიყენების ბრალდებით დააკავეს. სასამართლომ დღეს  მათ 2 თვიანი წინასწარი პატიმრობა შეუფარდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს