2021-02-08 15:07:59, 642 ნახვა
მსოფლიო
მოსკოვში 23 თებერვალს ალექსეი ნავალნის მხარდამჭერი მასშტაბური აქცია გაიმართება
ლიბერტარიანულმა პარტიამ მოსკოვის მერიაში განაცხადი შეიტანა, რომ 23 თებერვალს ალექსეი ნავალნის მხარდამჭერი მასშტაბური აქცია გამართოს. აღნიშნულის შესახებ პარტიის პრესსპიკერმა ალექსანდრ გუდმა სოციალურ ქსელში დაწერა.
პარტიის პრესსპიკერმა განაცხადა, რომ ალექსეი ნავალნისა და სხვა პოლიტპატიმრების მხარდამჭერი აქცია 11 ლოკაციაზე გაიმართება.
შეგახსენებთ, რომ რუსი ოპოზიციონერი, ალექსეი ნავალნი, რომელიც გასული წლის აგვისტოს ბოლოს, რუსეთში მოწამლეს „ნოვიჩოკის“ ჯგუფის ნივთიერებით, გერმანიაში ოთხთვიანი მკურნალობის შემდეგ მოსკოვში 17 იანვარს დაბრუნდა. ალექსეი ნავალნი აეროპორშივე დააკავეს და მოსკოვის რაიონულმა სასამართლომ, ე.წ „ივ როშეს“ საქმეზე თაღლითობის ბრალდებით ის 2,5 წლით დააპატიმრა.
ავტორი: ელენე გვიმრაძე, ექსპრესნიუსის რეპორტიორი 2018 წლიდან