2021-02-05 18:02:18, 1101 ნახვა
მსოფლიო
Bloomberg - მსოფლიოს ნორმალური ცხოვრების დასაბრუნებლად 7 წელი დასჭირდება
„ბლუმბერგის“ ანალიტიკოსები აცხადებენ, რომ მსოფლიო ნორმალურ ცხოვრებას მას შემდეგ დაუბრუნდება, რაც კორონავირუსის საწინააღმდეგო ვაქცინით მოსახლეობის 70-დან 85%-მდე აცრა მოხდება.
ამის შესახებ „ბლუმბერგი“ იუწყება.
სააგენტოს ცნობით, მოსახლეობის 75%-ის აცრას 7 წელი დასჭირდება.
მეცნიერები ვარაუდობენ, რომ ვირუსის დასამარცხებლად მოსახლეობის 75%-ის აცრაა აუცილებელი. ვაქცინაციის პროცესი კი ღარიბ ქვეყნებში შედარებით ნელა მიმდინარეობს.
ანალიტიკოსები აცხადებენ, რომ ყველაფერი ვაქცინაციის ტემპზეა დამოკიდებული, რადგან დღეს, მსოფლიოში კორონავირუსის საწინააღმდეგო ვაქცინაცია ქვეყნების მხოლოდ მესამედში მიმდინარეობს.
ავტორი: ექსპრესნიუსი,
epn.ge (@expressnews.ge)
