აბსოლუტურად უთანასწორო ბრძოლაში ვიყავი, მაგრამ ეს ყველაფერი კობიაშვილის ბრალი არ არის, - ამის შესახებ რევაზ არველაძემ ფეხბურთის ფედერაციის პრეზიდენტის არჩევნების დასრულების შემდეგ ჟურნალისტებს განუცხადა.

არველაძემ ლევან კობიაშვილს გამარჯვება კიდევ ერთხელ მიულოცა და უსურვა, იმაზე მეტი შეძლოს, რაც მისმა წინამორბედებმა შეძლეს.

„მინდა აბსოლუტურად ვაჟკაცურად, კაცურად მივულოცო ლევან კობიაშვილს. მინდა მან იმაზე მეტი შეძლოს, რაც შეძლეს მისმა წინამორბედებმა და ფედერაციამ ბოლო წლების განმავლობაში. ბოლო 40 დღის განმავლობაში ასე მშვიდად არ ვყოფილვარ. ძალიან დიდი მადლობა მინდა ვუთხრა იმ 15 ადამიანს, რომლებიც ამ უთანასწორო ბრძოლაში ბოლომდე გვერდში დამიდგნენ, მათ შორის ძალიან დიდი მადლობა კახა ებრალიძესა და გიორგი შარაბიძეს. თუ ოდესმე ვიფიქრებდი, რომ ასეთი ჯოჯოხეთის გავლა მომიწევდა, არც ჩემ თავს, არც მეგობრებს და არც ოჯახს ამდენს არ ვანერვიულებდი, მაგრამ ეს ყველაფერი ყველაზე უზენაესი და დიდი მიზნისთვის - ფეხბურთისთვის კეთდება. რაც გამოვიდა, გამოვიდა. აბსოლუტურად უთანასწორო ბრძოლაში ვიყავი. ეს ყველაფერი მისი ბრალი არ არის. ყველაფერი ერთად იყო ჩემს წინააღმდეგ. არაუშავს, გავუძლებ და ისევ ამაყად, თავაწეული ვივლი ამ ქვეყანაში“, - აღნიშნა რევაზ არველაძემ.

ცნობისთვის, საქართველოს ფეხბურთის ფედერაციის პრეზიდენტის არჩევნებში ლევან კობიაშვიმლა გაიმარჯვა. მას მხარი 18-მა დელეგატმა დაუჭირა. რაც შეეხება სხვა კანდიდატებს, რეზი არველაძეს 15-მა დელეგატმა მისცა ხმა, ხოლო მამუკა კვარაცხელიას არც ერთი ხმა არ მიუღია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება

ზელენსკიმ აშშ-სა და რუსეთს შორის შესაძლო დაახლოებას „ისტორიული შეცდომა“ უწოდა