2021-01-29 17:42:40, 1223 ნახვა

---

ეუთო-ში აშშ-ის მისია - ვიმუშავებთ საქართველოსა და ეუთო-ში საქართველოს მეგობართა ჯგუფთან, რათა რუსეთმა პასუხი აგოს

„ვიმუშავებთ საქართველოსთან, ეუთო-ში საქართველოს მეგობართა ჯგუფთან და საერთაშორისო ფორუმებზე, რათა რუსეთმა პასუხი აგოს“, - ამის შესახებ ნათქვამია ეუთო-ში აშშ-ის მისიის განცხადებაში.

განცხადებაში აღნიშნულია, რომ შეერთებული შტატები მხარს უჭერს საქართველოს სუვერენიტეტს და ტერიტორიულ მთლიანობას მის საერთაშორისოდ აღიარებულ საზღვრებში.

„რუსეთის მცდელობები, გააკონტროლოს საქართველოს რეგიონები, აფხაზეთი და სამხრეთ ოსეთი, ბორდერიზაციის გზით, თვითნებური დაკავებებით, გადაადგილების შეზღუდვით, მიუღებელია. ეს ქმედებები საფრთხეს უქმნის ამ ტერიტორიებზე მცხოვრები ადამიანების სიცოცხლესა და კულტურას, არ აძლევს მათ ხელმისაწვდომობის შესაძლებლობას.

შეერთებული შტატები მხარს უჭერს საქართველოს სუვერენიტეტს და ტერიტორიულ მთლიანობას მის საერთაშორისოდ აღიარებულ საზღვრებში. ჩვენ გავაგრძელებთ მუშაობას საქართველოსთან, ეუთოსთან საქართველოს მეგობართა ჯგუფთან და სხვა საერთაშორისო ფორუმებზე, რათა პასუხი აგოს რუსეთმა“, - ვკითხულობთ განცხადებაში.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი