2021-01-26 09:04:00, 588 ნახვა
პოლიტიკა
პარლამენტი ოპოზიციონერი დეპუტატების სტატუსთან დაკავშირებით მომზადებულ ცვლილებებს დღეიდან განიხილავს
პარლამენტის რეგლამენტში დაგეგმილ ცვლილებებს, რომელიც ოპოზიციონერი დეპუტატებისთვის გარკვეული უფლებამოსილების მინიჭებას შეეხება, საპროცედურო საკითხთა და წესების კომიტეტი დღეს განიხილავს.
კომიტეტი პროექტს დაჩქარებული წესით განიხილავს და მიმდინარე კვირასვე რიგგარეშე სესიაზე წარადგენს.
უმრავლესობის მიერ მომზადებული კანონპროექტი უფრაქციო დეპუტატებს საშულებას მისცემს, საპარლამენტო ცხოვრებაში სრულფასოვნად ჩაერთონ. ამასთან, ცვლილებები შექმნილი ვითარებიდან გამომდინარე არის ნაკარნახევი და მხოლოდ მეათე მოწვევის პარლამენტზე გავრცელდება.
კანონპროექტის ავტორები ირაკლი ქადაგიშვილი, გურამ მაჭარაშვილი და ლევან მგალობლიშვილი არიან.
ავტორი: ექსპრესნიუსი,
epn.ge (@expressnews.ge)
