2021-01-24 22:20:26, 649 ნახვა
საზოგადოება
„საპროტესტო სეირნობის“ მონაწილეები შინაგან საქმეთა სამინისტროს შენობასთან მივიდნენ
„საპროტესტო სეირნობის“ მონაწილეები შინაგან საქმეთა სამინისტროს შენობასთან მივიდნენ.
თავდაპირველად აღნიშნული აქცია მთავრობის კანცელარიასთან დაიწყო, შემდეგ „ქართული ოცნების“ ოფისთან გადაინაცვლა და ახლა რამდენიმე წუთის წინ აქციის მონაწილეები შსს-ს შენობასთან მივიდნენ.
მოთხოვნების ძირითადი არსი მდგომარეობს მთავრობის მიერ დაწესებული შეზღუდვების გაუქმებასა და სამოქალაქო აქტივისტების გათავისუფლებაში.
უფრო კონკრეტულად აქტივისტები სოლიდარობას უცხადებენ ირაკლი ფანგანს, რომელიც აჭარის უმაღლესი საბჭოს წევრისთვის ნაგვის დაყრის შემდეგ დააკავეს.
„ჩვენ არ დავემორჩილებით, მთავრობის მიერ დაწესებულ უსამართლო შეზღუდვებს და დღევანდელი აქციით შევეცდებით ერთხელ კიდევ ვუთხრათ არა ივანიშვილის ხელისუფლებას“, - აცხადებს ერთ-ერთი აქტივისტი.
ავტორი: ექსპრესნიუსი,
epn.ge (@expressnews.ge)
