|
2015-01-30 10:31:52, 333 ნახვა
პოლიტიკა
შს მინისტრმა რიგაში გამართულ მინისტერიალში მიიღო მონაწილეობა
შინაგან საქმეთა მინისტრი ვახტანგ გომელაური რიგაში ოფიციალური ვიზიტის ფარგლებში მინისტერიალს დაესწრო და ევროკავშირის წევრი ქვეყნების, აღმოსავლეთ პარტნიორობის ქვეყნების იუსტიციის და შინაგან საქმეთა მინისტრებს შეხვდა. შეხვედრაზე მიგრაციის, სამართალდაცვით სფეროში გასატარებელი რეფორმების, ტერორიზმის სამართლებრივი ასპექტები და პერსონალურ მონაცემთა დაცვის საკითხები განიხილეს. ვახტანგ გომელაურმა ასევე გამართა ორმხრივი შეხვედრები კვიპროსის რესპუბლიკის შინაგან საქმეთა მინისტრ სოკრატეს ჰასიკოსთან, ავსტრიის რესპუბლიკის ფედერალურ შინაგან საქმეთა მინისტრ იოანა მიქლ–ლაიტნერთან, ფინეთის რესპუბლიკის შინაგან საქმეთა მინისტრ ფეივი რესენენთან, პოლონეთის რესპუბლიკის შინაგან საქმეთა მინისტრის მოადგილე, სახელმწიფო მდივან პიოტრ სტახანჩიკთან, პორტუგალიის შიდა ადმინისტრაციის მინისტრ ანაბელა როდრიგესთან, ლუქსემბურგის დიდი საჰერცოგოს ვიცე-პრემიერ, შიდა უსაფრთხოების, ეკონომიკისა და ვაჭრობის მინისტრ ეტიენ შნაიდერთან, ბელგიის სამეფოს შინაგან საქმეთა მინისტრ ჟან ჟამბონთან, გერმანიის ფედერალურ შინაგან საქმეთა მინისტრ თომას დე მაზიერთან, კვიპროსის რესპუბლიკის იუსტიციის და საზოგადოებრივი წესრიგის მინისტრ იონას ნიკოლაუსთან და ნიდერლანდების სამეფოს სახელმწიფო მდივანთან და უსაფრთხოების მინისტრთან ფრედრიკ ტეევენთან. ორმხრივ შეხვედრებზე მხარეებმა ევროინტეგრაციის პროცესში საქართველოს მხარდაჭერაზე და დანაშაულის წინააღმდეგ ბრძოლის სფეროში თანამშრომლობის საკითხებზე ისაუბრეს. შინაგან საქმეთა სამინისტროს დელეგაციაში, რომელსაც მინისტრი ხელმძღვანელობს, მინისტრის მოადგილე არჩილ თალაკვაძე და საერთაშორისო ურთიერთობების დეპარტამენტის უფროსი შალვა კვინიხიძეც შედიან.
|
რედაქტორის რჩევით
ივანიშვილთან ერთად ვინ აფინანსებს ტელეიმედს და ვის ემუქრება მეორადი სანქციები
რეჟიმის წარმომადგენლები ხოშტარიას შვილებს ესხმიან თავს
ომი უკრაინაში
აზოვის ზღვაში უკრაინელებმა ხორბლის გადამზიდავი ჩაიძირეს
რუსეთის მიერ ოდესის დაბომბვის შედეგად დაიჭრა 11 ადამიანი, მათ შორის ერთი ბავშვი
ვიდეო/LIVE პატრიარქის ილია მეორის დაკრძალვა - პირდაპირი
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



epn.ge (@expressnews.ge)