„ქართულმა ოცნებამ“ პოლიტსაბჭოს სხდომაზე პარტიის სამდივნო აირჩია.

ამის შესახებ ფრაქცია „ქართული ოცნების“ თავმჯდომარემ, მამუკა მდინარაძემ პარტიის ცენტრალურ ოფისში გამართულ ბრიფინგზე განაცხადა.

„პარტიის რიგგარეშე მეექვსე ყრილობის შემდეგ დღეს გაიმართა ყრილობის მიერ არჩეული პოლიტიკური საბჭოს სხდომა, რომელმაც აირჩია პარტიის სამდივნო. აგრეთვე ჩვენ საუბარი გვქონდა პარტიის საორგანიზაციო საკითხებზე და სამომავლო გეგმებზე. შესაბამისად, გაგაცნობთ პარტია „ქართული ოცნება - დემოკრატიული საქართველოს“ სამდივნოს შემადგენლობას: გენერალური მდივანი უკვე იცით, რომ არის ბატონი კახა კალაძე, პოლიტიკურმა საბჭომ კვლავ აირჩია ირაკლი ღარიბაშვილი, საერთაშორისო მდივანი იქნება კახა კუჭავა, რეგიონალური მდივანი - დიმიტრი სამხარაძე, ხოლო რაც შეეხება აღმასრულებელ მდივანს - ამ საქმიანობას მე შევუდგები“, - განაცხადა მამუკა მდინარაძემ.

ავტორი: ექსპრესნიუსი,

სოციალური ქსელები

ნანუკა ჟორჟოლიანმა მცხეთის იზოლატორი დატოვა

სუს-მა გრიგოლ ლილუაშვილის ყოფილი მოადგილე ლევან ახობაძე დააკავა

უკრაინის მასშტაბით ყოველდღე წუთიერი დუმილი გამოცხადდება

პსპ ფარმა თბილისის მუნიციპალიტეტის ბენეფიციარებს მედიკამენტებს კვირის ნებისმიერ დღეს ფასდაკლების დღეების ფასად მიაწვდის