2021-01-21 12:05:05, 587 ნახვა
საზოგადოება
ეკატერინე ტიკარაძის განცხადებით, გადაწყვეტილებას შეზღუდვების შემსუბუქებაზე ამ კვირაში მიიღებენ
ჯანდაცვის მინისტრის, ეკატერინე ტიკარაძის განცხადებით, შეზღუდვების შემსუბუქებასთან დაკავშირებით გადაწყვეტილებას ამ კვირაში მიიღებენ.
„ჩვენ საბჭოს ფორმატში ვმსჯელობთ, ეკონომიკურ გუნდთან ერთად და ამ კვირაში მივიღებთ დამატებით გადაწყვეტილებებს და შემდეგ გავაცნობთ საზოგადოებას“, - განაცხადა ეკატერინე ტიკარაძემ.
ამასთანავე, ეკატერინე ტიკარაძემ აღნიშნა, რომ ქვეყანაში მიმდინარეობს კოვიდინფექციის მნიშვნელოვანი კლება.
„ბოლო დღე-ღამეში გვყავს 1137 ინფიცირებული, ვაკვირდებით მნიშვნელოვან სტაბილიზაციას, ჩატარებულია 17 000 ტესტი, რაც გვაძლევს საფუძველს, დავადასტუროთ, რომ არის ინფექციის მნიშვნელოვანი კლება“, - აღნიშნა მინისტრმა.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
