სალომე ზურაბიშვილი 21-23 იანვარს ევროკავშირისა და ნატო-ს ლიდერებს შეხვდება

2021-01-21 09:26:45, 754 ნახვა

პოლიტიკა

პრეზიდენტი სალომე ზურაბიშვილი 21-23 იანვარს ბრიუსელში ევროკავშირისა და ნატო-ს ლიდერებთან შეხვედრებს გამართავს.

ბელგიის სამეფოსა და ლუქსემბურგის დიდ საპერცოგოში საქართველოს სრულუფლებიანი ელჩი ნატალი სანაბაძე აცხადებს, რომ შეხვედრაზე საუბარი შეეხება კორონავირუსის პანდემიისა და 2024 წელს საქართველოს სურვილს, ოფიციალური განაცხადი გააკეთოს ევროკავშირში გაწევრიანებაზე.

„ეს ვიზიტი ასევე გამოირჩევა ორი გარემოებით. ერთი, რა თქმა უნდა, არის „კოვიდ 19“-ის პანდემია და ეს იქნება თემა, რომელიც ძალიან აქტიურად განვიხილავთ. მეორე გარემოება არის საქართველოს გაჟღერებული სურვილი, რომ 2024 წელს გააკეთოს ოფიციალური განაცხადი ევროკავშირში გასაწევრიანებლად. ძირითადი აქცენტი გაკეთდება ეკონომიკურ და სექტორულ ინტეგრაციაზე, როგორც ნაბიჯზე სრული ინტეგრაციისაკენ“, - აღნიშნა ნატალი საბანაძემ.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან