რუსეთის საგარეო საქმეთა მინისტრი, სერგეი ლავროვი ალექსეი ნავალნის დაკავებაზე დასავლელი პოლიტიკოსების მიერ გაკეთებულ განცხადებებს ეხმაურება.

როგორც სერგეი ლავროვმა პრესკონფერენციაზე აღნიშნა, დასავლელი პოლიტიკოსების მიერ გაკეთებული კომენტარები მიზნად ისახავს ყურადღების გადატანას იმ ღრმა კრიზისიდან, რომელიც აღმოჩნდნენ მათი ქვეყნები.

„ჩვენ ვნახეთ, თუ როგორ აიტაცეს გუშინდელი სიახლე რუსეთის ფედერაციაში ალექსეი ნავალნის დაბრუნებასთან დაკავშირებით. პირდაპირ იგრძნობა, თუ რა სიხარულით აკეთებენ ერთმანეთის მსგავსს კომენტარებს. სიხარულით, რადგან, როგორც ჩანს, ეს დასავლელ პოლიტიკოსებს შესაძლებლობას აძლევს იფიქრონ, რომ ისინი ამგვარად შეძლებენ ყურადღების გადატანას იმ ღრმა კრიზისიდან, რომელშიც აღმოჩნდა ლიბერალური განვითარების მოდელი“, – განაცხადა ლავროვმა.

შეგახსენებთ, რომ 17 იანვარს რუსმა სამართალდამცავებმა გერმანიიდან დაბრუნებული ოპოზიციონერი, ალექსეი ნავალნი „შერემეტიევოს“ აეროპორტში დააკავეს. როგორც ქვეყნის ფედერალური პენიტენციური სამსახური აცხადებს, ნავალნის დაკავების მიზეზი გამოსაცდელი ვადის პირობების სისტემატური დარღვევა გახდა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

რომელი ქვეყნების მოქალაქეები დეპორტირდნენ საქართველოდან ყველაზე ხშირად 2026 წელს?

ჩინეთის ვიცე-პრეზიდენტი - ჩინური წარმოების პროდუქცია, განსაკუთრებით ავტომობილები, საქართველოს მოსახლეობაში დიდი პოპულარობით სარგებლობს

FT: აშშ-ის დემოკრატები უკრაინისთვის 15 მილიარდი დოლარის დახმარების გამოყოფას ამზადებენ და რუსეთის წინააღმდეგ სანქციების გამკაცრებას სურთ

დონალდ ტრამპმა UFC-ის დირექტორს, დანა უაითს, თეთრი სახლის პრესმდივნის თანამდებობა შესთავაზა