2021-01-16 14:42:32, 741 ნახვა
პოლიტიკა
არჩილ თალაკვაძე - პოლიტსაბჭოს წევრებთან დაკავშირებით ბიძინა ივანიშვილთან კონსულტაციები გვქონდა
პარლამენტის თავმჯდომარემ, არჩილ თალაკვაძემ განაცხადა, რომ პოლიტსაბჭოს წევრებთან დაკავშირებით, ბიძინა ივანიშვილთან მისი პარტიიდან წასვლამდე კომუნიკაცია ჰქონდათ.
თალაკვაძის თქმით, თითოეული წევრი კონსესუსის საფუძველზე აირჩიეს.
„გვაქვს ძალიან საინტერესო ხედვა მომავალი განვითარების. პირდაპირ გეტყვით, რომ ეს არის სამი მიმართულება: დემოკრატიის გაძლიერება, უსაფრთხოების და მშვიდობის განმტკიცება და ეკონომიკური განვითარება.
თითოეული წევრი პოლიტსაბჭოში, რა თქმა უნდა, უყო დასახელებული კონსესუსის საფუძველზე, რომელიც შიდაგუნდური განხილვებით ჩამოყალიბდა. რა საკვირველია, ამასთან დაკავშირებით ჩვენ გვქონდა კონსულტაციები ბიძინა ივანიშვილთან სანამ ის პოლიტიკას დატოვებდა“, - განაცხადა თალაკვაძემ.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
