2021-01-12 18:17:45, 1109 ნახვა
ეკონომიკა
1-ელი თებერვლიდან ბაზრობებისა და მოლების გახსნა იგეგმება
1-ელი თებერვლიდან ბაზრობებისა და მოლების გახსნა იგეგმება, - ამის შესახებ „ლილო მოლის“ გენერალურმა დირექტორმა, გიორგი კვარაცხელიამ განაცხადა.
მისი თქმით, ერთადერთი ახალი რეგულაცია, რაც ბაზრობებსა და მოლებს დაეკისრებათ, თანამშრომლების საკუთარი სახსრებით ტესტირება იქნება.
„გადაწყვეტილება იმის შესახებ, რომ 1-ელ თებერვალს გაიხსნება ბაზრობები და სავაჭრო მოლები მიღებულია. არსებულ რეგულაციებს დაემატა ტესტირება პერიოდული. ორგანიზების პრობლემა ჩვენი საქმე იქნება, რომ დავაორგანიზოთ სწრაფად, რომ 1-ელი თებერვლისთვის სწორად მოსწრებული იყოს ის რაც გაწერილია“, - განაცხადა კვარაცხელიამ.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
