2021-01-12 12:28:43, 695 ნახვა
პოლიტიკა
გია ვოლსკი - ბიძინა ივანიშვილის ქველმოქმედებას უტიფარი ოპოზიციის გარდა, ყველა პოზიტიურად შეაფასებდა
„ბიძინა ივანიშვილის ქონების საქველმოქმედო ფონდისთვის გადაცემას უტიფარი ოპოზიციის გარდა, ყველა პოზიტიურად შეაფასებდა“, - ამის შესახებ „ქართული ოცნების“ წევრმა, გია ვოლსკიმ განაცხადა.
მისი თქმით, არანაირ სანქციების დაწესებასთან არაა ეს ქმედება კავშირში.
„რაც შეეხება ბიძინა ივანიშვილის ქონების საქველმოქმედო ფონდისთვის გადაცემის თემას, რას ამბობენ ოპონენტები ამასთან დაკავშირებით არავითარი მნიშვნელობა არ აქვს. რა სანქციებზეა საუბარი, საერთაშორისო ასპარეზზე საქართველო მყარად იკავებს პოზიციებს. არც ახალი არაფერი არაა მის ქმედებაში, ახალი არის მხოლოდ ის, რომ ნებისმიერი ასეთი ნაბიჯი ყველა ქვეყანაში ნებისმიერი ოპოზიციის, რომ არა უტიფარის მიერ, შეფასდებოდა როგორც პოზიტიური ნაბიჯი“, - განაცხადა ვოლსკიმ.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
