სერგეი შამბას განცხადებით, სოხუმი ტყის ხანძრის ჩაქრობაში თბილისის დახმარებას არ საჭიროებს

2021-01-08 15:48:33, 993 ნახვა

კომენტარი

ოკუპირებული აფხაზეთის ე.წ უშიშროების საბჭოს მდივანი სერგეი შამბა აცხადებს, რომ სოხუმი ტყის ხანძრის ჩაქრობაში თბილისის დახმარებას არ საჭიროებს.

ამის შესახებ სერგეი შამბამ sova news-თან ინტერვიუში განაცხადა.

"არ არის არანაირი საჭიროება თბილისის დახმარების. ჩვენი სამსახურები უმკლავდებიან ხანძარს", - განაცხადა სერგეი შამბამ.

აღსანიშნავია, რომ უკვე რამდენიმე დღეა ოკუპირებული აფხაზეთის რეგიონის ტყეებში ხანძარია. გაგრის რაიონში ცეცხლმა დასახლებულ პუნქტებსაც მიაღწია. დე ფაქტო ხელისუფლება აცხადებს, რომ საჭიროების შემთხვევაში იქნება მზადყოფნა და მოხდება მოსახლეობის ევაკუირება.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან