დემოკრატების წარმომადგენელმა რესპუბლიკელი კელი ლოფლერი დაამარცხა და ჯორჯიის შტატის ისტორიაში პირველი შავკანიანი სენატორი გახდა. წინასწარი მონაცემებით, ვორნოკს ხმების 50.5 პროცენტი აქვს. რაფაელ ვორნოკი ბოლო 15 წლის განმავლობაში ატლანტას მთავარი ეკლესიის პასტორი იყო. 
მეორე ტურის გამარჯვებული საბოლოოდ არ გამოუცხადებულა, მაგრამ დემოკრატი, ჯონ ოსოფი ახლოსაა გამარჯვებასთან.
ჯონ ოსოფმა კი, დოკუმენტური ფილმების რეჟისორმა და დემოკრატთა მეორე კანდიდატმა დევიდ პერდუს, ასევე მოქმედი რესპუბლიკელი სენატორის წინააღმდეგ მცირე უპირატესობით თავი გამარჯვებულად უკვე გამოაცხადა. თუმცა მედია და კვლევითი ორგანიზაციები ჯერჯერობით, უარნოკისგან განსხვავებით, მისი გამარჯვების დადასტურებისგან, თავს იკავებენ.

ამ დილისთვის დათვლილი იყო ხმების 98 %, უარნოკი 1.2 %-ით უსწრებს ლოფლერს, ოსოფი კი მხოლოდ 16 000 ხმითაა დაწინაურებული, რაც ნახევარ პროცენტზე ნაკლებ უპირატესობას აძლევს და 1 %-ზე ნაკლები განსხვავების შემთხვევაში ხმების გადათვლაც გახდება საჭირო. რესპუბლიკელი სენატორები ამბობენ, რომ გამარჯვების იმედი ჯერ კიდევ აქვთ და დამარცხება ჯერ არც ერთ მათგანს არ უღიარებია.
იმ შემთხვევაში, თუკი ჯორჯიის შტატში სენატორობისთვის გამართულ არჩევნებს „დემოკრატები“ მოიგებენ, კონგრესის ზედა პალატაში ადგილები შუაზე გაიყოფა და ორივე პარტიას 50 სენატორი ეყოლება. ხოლო ხმების შუაზე გაყოფის შემთხვევაში გადამწყვეტი ხმა არჩეულ ვიცე-პრეზიდენტს კამალა ჰარისს ექნება, რომელიც ასევე „დემოკრატიულ პარტიას“ წარმოადგენს.

გარდა ამისა, დემოკრატები გააკონტროლებენ სენატის დღის წესრიგს და უმრავლესობის ლიდერი, ნიუ-იორკის „დემოკრატი“ სენატორი ჩაკ შუმერი გახდება. ასევე, „დემოკრატებს“ შესაძლებლობა მიეცემათ, დაამტკიცონ ყველა დონის ფედერალური მოსამართლე, მათ შორის უმაღლეს სასამართლოში.

სენატზე კონტროლის მოპოვების შემთხვევაში, „დემოკრატები“ 11 წლის შემდეგ შეძლებენ როგორც აღმასრულებელი ხელისუფლების, ისე საკანონმდებლო ორგანოს ორივე პალატის გაკონტროლებას.

3 ნოემბერს გამართულ არჩევნებში, სენატში ჯორჯიის წარმომადგენელების ვინაობა ვერ გამოვლინდა, რადგან ვერცერთმა კანდიდატმა, ხმათა უმრავლესობის მიღება ვერ შეძლო. ამიტომ, ჯორჯიაში მეორე ტური დღეს მიმდინარეობს.

ავტორი: ექსპრესნიუსი,

სოციალური ქსელები

ბიზნესის მოდული თიბისი კამპუსში - სივრცე მათთვის, ვისაც იდეების სჯერა

„ოქროს მოსამართლე“ ხახალევა თბილისში ცხოვრობს; რუსეთი მისი აქტივების კონფისკაციას ითხოვს

ყოფილი ცოლი არასრულწლოვანი შვილების თანდასწრებით სცემა, კაცი დააკავეს

პოლონეთის საგარეო უწყება აცხადებს, რომ ეთერში ქართული ტელეარხი გაუშვა დეზინფორმაციასთან საბრძოლველად