გაერო-ს გენერალური ასამბლეის ფარგლებში ნიუ-იორკში საქართველოს ვიცე-პრემიერი, საგარეო საქმეთა მინისტრი გიორგი კვირიკაშვილი ევროკავშირის წევრი ქვეყნების საგარეო საქმეთა სამინისტროების პოლიტიკურ დირექტორებს შეხვდა.

საგარეო უწყების ინფორმაციით, შეხვედრა მთლიანად დაეთმო საქართველოს ევროპული ინტეგრაციის დღის წესრიგს.

მინისტრმა ევროპელ დიპლომატებს ინფორმაცია მიაწოდა ასოცირების დღის წესრიგის იმპლემენტაციის, ქვეყანაში გატარებული რეფორმების, ასევე ვიზა-ლიბერალიზაციის პროცესის მიმდინარეობის შესახებ.

როგორც საგარეო საქმეთა სამინისტროში აცხადებენ, ევროპელი დიპლომატების მხრიდან დადებითად შეფასდა საქართველოს მიერ გაწეული ძალისხმევა ვიზა-ლიბერალიზაციის მიმართულებით, ქართულმა მხარემ ხაზი გაუსვა საქართველოსთან მიმართებაში დადებითი პოლიტიკური გადაწყვეტილების მიღების  აუცილებლობას, რომელზეც არ უნდა იმოქმედოს ევროპაში არსებულმა მიგრანტების კრიზისმა.

„რეაქციები ჩვენი ევროპელი მეგობრების მხრიდან დადებითია. ჩვენი მხრიდან უმთავრესი გზავნილი არის ის, რომ ვიზა-ლიბერალიზაციის  კუთხით სქართველოს მიერ ჩატარებული რეფორმები არ უნდა იქნას ასოცირებული მიგრანტების იმ პრობლემასთან რაც ევროპაშია, საგულისხმოა, რომ ამაზე ევროპელი დიპლომატების  მხრიდან იყო ერთგვაროვანი დამოკიდებულება, რაც გვაძლევს იმის იმედს, რომ ვიზის კუთხით მაქსიმალურად დადებითი რეაქციები იქნება დედაქალაქებიდან უმაღლეს პოლიტიკურ დონეზე. სტუმრების მხრიდან  დადებითი შეფასებები მოჰყვა იმ რეფორმებს, რაც საქართველომ გაატარა, ამ მხრივ კი  სათქმელი მართლაც ბევრია,  შეიცვალა 15 კანონი, გატარდა ინსტიტუციური რეფორმები, დაიხვეწა კონტროლის მექანიზმები მიგრაციის კუთხით  და ის უკვე არის ევროპულ სტანდარტებზე, ამიტომ რაიმე სახის დისკომფორტი საქართველოსთან მიმართებაში ევროპას არ უნდა ჰქონდეს“, - განაცხადა გიორგი კვირიკაშვილმა ევროკავშირის წევრი ქვეყნების პოლიტიკურ დირექტორებთან შეხვედრაზე.

ქართული მხრიდან შეხვედრას სამინისტროს მაღალჩინოსნები და გაერო-ში საქართველოს მისიის წევრები ესწრებოდნენ.

�� მონიტორინგის სისტემა, რომ სახელმწიფომ მოახდინოს ამ დაწესებულებების რეგულარუი შემოწმება“, - განაცხადა უჩა ნანუაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა ნატო გააკრიტიკა ირანთან დაკავშირებით დახმარების სურვილის არქონის გამო

უკრაინამ სამარის ოლქში, კრასნოდარის მხარეში და სევასტოპოლში ნავთობის ობიექტებს შეუტია

პაპუაშვილმა ზახაროვას განცხადებას უპასუხა: ჩვენ ხალხის ინტერესებიდან გამომდინარე ვმოქმედებთ

კონგრესმენი უილსონი: აშშ-სთვის მნიშვნელოვანია, რომ ანაკლია პეკინის დომინირების ქვეშ არ მოექცეს