პირველი პაციენტი, რომელიც Oxford-AstraZeneca-ს ვაქცინით აიცრა, 82 წლის ბრაიან ფინქერია.

ამის შესახებ ინფორმაციას „ბიბისი“ ავრცელებს.

გამოცემის ცნობით, მამაკაცი დიალიზზე იმყოფება. მას აცრა ოქსფორდის ჩერჩილის საავადმყოფოში ჩაუტარდა.

დიდ ბრიტანეთში დღეისთვის ვაქცინის ნახევარ მილიონზე მეტი დოზა გამოსაყენებლად მზადაა.

ჯანდაცვის მინისტრის, მეთ ჰენკოკის განცხადებით, ეს ბრიტანეთის ვირუსის წინააღმდეგ ბრძოლის მნიშვნელოვანი მომენტია, რადგან ვაქცინა ხელს შეუწყობს ინფიცირების შემთხვევების შემცირებას და ქვეყანაში დაწესებული შეზღუდვების მოხსნას.

მიუხედავად ამისა, ბრიტანეთის პრემიერ მინისტრი ბორის ჯონსონი აცხადებს, რომ ინგლისში რეგიონალური შეზღუდვები შესაძლოა, კიდევ უფრო გამკაცრდეს.

მისი თქმით, დიდი ბრიტანეთი ცდილობს ვირუსის ახალი, სწრაფად გავრცელების ვარიანტი კიდევ უფრო გააკონტროლოს.

ცნობისთვის, დღეიდან გაერთიანებულ სამეფოში Oxford-AstraZeneca-ს მიერ შექმნილი ვაქცინის გამოყენება დაიწყო.

ავტორი: ექსპრესნიუსი,

სოციალური ქსელები

უკრაინის მოქალაქეს მონაკოს პრინცის ნათესავის მკვლელობაში ბრალი წაუყენეს

ჩქაროსნული მატარებლების ავარიის გამო, ესპანეთში სამდღიანი გლოვა გამოცხადდა

ესპანეთის ყოფილი შრომის მინისტრი ავარიისას ერთ-ერთ მატარებელში იმყოფებოდა, სავარაუდოდ, გარდაიცვალა

ზელენსკიმ სამშვიდობო შეთანხმების დადებისას პირველად შესთავაზა რუსეთს უსაფრთხოების გარანტიები